Roomi 6:11 - Kafa Linguistics Project

¹¹ Ebiyoommon ittoshi wotta “Axaaxoyich qitito noone; axaaxoo no toommooch giidoon muccetone; and Kiristoos Yesuusina kashechon tunaꞌa no beeto Yeerichiye” getiree gabibote.

Roomi 6:11 ပူးပေါင်းရင်းမြစ်များ

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Roomi 16:27

bi ikkeeto baach ariyecho tuneti Yeerich Yesuus Kiristoosina bulli yemeenoon oogee yiiroo tunebe. Ameena.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 6:10

Bi qitiyooba, axaaxoo hakkoon bi muccemmoyich tuniiꞌi, ikke wottoon qititone; tunebaani and kashechon tuneree Yeerich beeyemmone.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:2

Ciroona tuneyaache! Axaaxoyich qititi no, aabichireeshiye ebi axaaxoona no beeyemmo?

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.

Roomi 7:6

Tunebaani wonna no cucheti sheeroyich qitito noone; ebich Yeeri ebi sheeroochee and noon biichitone; ebichoo Yeerich no hajjeebeeto, Yaafe Ayaano noon yaabiibeeti andire gommonalli, kooreeti Muusichi Sheeroo gettiibeeti wonnee gommona toonoone.

Roomi 8:18

Gubb nooch bekkemmi oogee yiiroona tookkii bi tacheegaata, andi hini yemeeneexi xuuxo amolla shaahiꞌi taach bekkeyaache.

Filipphisiyoosi 4:7

Ittoshi shalligoo bulliyee beshiti Yeerichi diggoo Kiristoos Yesuusina ittoshi mulloonaa ittoshi gaboonon quyemmone.

Qolaasiyaasi 2:20

Illa hini alemeexi ashoon hajjiibeeti ariyoommi gaboochee biicheꞌi Kiristoosina tookkii ittoshi qititoyee, hini alemeexoommon tuneti ashi doyoommon “Hinichi achooch shaggaahine! Hinin napphe beeggaahine! Ebinoo yechaahine” ii beeti getoyich amoyichiye ittoshi hajjeebeeto?

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.