Roomi 5:7 - Kafa Linguistics Project

⁷ Cadiqe ashicha getiree beshe qitemmi ashoon dano oogeton iritoone; deꞌe ashicha getiree beshe qitiya aafoon kupphemmi asho diqqich danemmo tunemmone.

Roomi 5:7 ပူးပေါင်းရင်းမြစ်များ

2 Saameeli 18:27

Qayecho wochiꞌi, “Aafichochi woco taach bi shaahiibeeto, Sadooqi bushoo Ahimaazichi wocoommoniye” iye. Taatoo “Aroo gaawe ashoone; gaawe woroon yeshi woyemmone” iye.

2 Saameeli 18:3

Tunebaani asheenaꞌo ishichiyeete: “Ne, noonna tookki hamaachine. Gubb wottaꞌa no wocigaata, ebi boonoshich aaxxaani mooyone; no daggoochee qachi bede asholla qitigaata, ebiyoo boonoshich aaxxaani mooyone. Tunebaani ne no daggeexi aashire hume ashoyee besho neene. Ebich katemooch tuneechi nooch qaawiimmi mooyona baach noon ne gaachegaata gaawiye” iyeete.

Shoddo 112:5

Wojjiibeeti, hirigaanoonoo erettiibeeti, kaamittinoona shuuneebeeti ashich kaamemmone.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Yowannisi 15:13

Asho bi shunechinaꞌochi keroyich bi kashoon beshii bi imigaata, ebiyee beshe shuno konichona aalloone.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

Roomi 16:4

Boonoshiyoo boonoshi kashoonolla aaxxiyaanoon taach qitiya kuxxiti asheenaꞌone; ta ikkeeto baach tuneyaanoon, wodde xaaꞌoona corootoyich kiceebeeti aagetee kittinnee guupho bulli naadiibeeti asheenaꞌone.

Roomi 5:6

Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone.

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.