Roomi 5:19 - Kafa Linguistics Project

¹⁹ Ikke uro Yeerichi getoon bi shaaddetoyich meetinaꞌo axaaxechinaꞌo tunetoommon, ebiyoommon wotta ikke uro Yeeri gettiton bi ceechitoyich meetinaꞌo cadiqeenaꞌo tunemminaꞌone.

Roomi 5:19 ပူးပေါင်းရင်းမြစ်များ

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Roomi 11:32

Yeeri asho bullin bi maaremmoyich, biich “Deꞌa getaache” getona cuchetinaꞌo boonoshi tunemmoyich boonoshi bullin tuniihe.

Roomi 5:12

Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.

Roomi 5:15

Tunebaani Yeerichi wojjoo Addaamichi xuꞌoommon toonoone; ebi are ikke uroochi xuꞌee naboona meetinaꞌo qititinaꞌone; Yeeri immiibeeti wojjoo am shaahoon beshaa beshiꞌi woddete! Ebiyoommon ikke uro Yesuus Kiristoosina Yeeri meetinaꞌoyich wojjoon beshaa beshiiꞌi immitone.

Roomi 5:18

Illa ikke uro shuuneti xuꞌee naboona Yeerichi naxo asheenaꞌo bulli toommooch bi shaggitoommon, ebiyoommon wotta ikke uro shuuneti cadiqee naboona asheenaꞌo bullin kashechon tuniibeeti cadiqoo danemmone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Filipphisiyoosi 2:8

Bi qelloon giishiihe; qitooch beddaahaa, ebiyoo masqalee toommooch yooddeꞌi qitooch beddaahaa, Yeerich deꞌa iye.