Roomi 4:6 - Kafa Linguistics Project

⁶ Ebiyoommon Daawiti wotta shuunoona tuneyaanoon, Yeeri cadiqo tuniiꞌi bi hadditi asho diireeto tuneechon ishichii gettitone:

Roomi 4:6 ပူးပေါင်းရင်းမြစ်များ

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Erimiyaasi 22:6

Yihudee taatee yareechon Doono Yeeri ishichiye: “Ne, taach Gilaadee showoommi, wottoo Libanoosi guudoommi gaaweto neene; tunebaani shuuꞌi showoommon, koniyoona koteyaani katemoommon neen tuniyemmo taane.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Maatiyoosi 25:19

“Meeti agenoyee gubb hini wochee bushiisheenaꞌochi doono wottee waaꞌi, ‘Ta gijjoon amoon tuniitote?’ iꞌi echehe.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 3:27

Illa asho geecemmi mooyo aaye? Echetone. Amee naboona? Muusichi Sheeroon ceechoonane? Toonoone. Yesuus Kiristoosi toommooch mullee tooꞌiyoonane.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 4:24

noochoonane bi kooreeto. No xuꞌee naboyich qitoyich beshiitaa icheti, noon cadiqiyoyich tiyiti no Doono Yesuusin qitoochee tiijjiti Yeeri toommooch no mulloon tooꞌiibeeti noonoo cadiqiiyane.

Roomi 4:5

Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye.

Roomi 4:7

“Boonoshi shuuneti hukkoon Yeeri maaritti asheenaꞌo, boonoshi axaaxoonoo Yeeri oppeti asheenaꞌo, diireetinaꞌone;

Roomi 4:9

Illa ebi Daawiti gettiti diiroo dokireetinaꞌoyich baachiye? Toonoone. Dokireyaaneenaꞌoyichoonane. Ebiyoo Yaafe Macaafoochee ta gettetoommon, “Abrahami Yeeri toommooch mulloon bi tooꞌiyoo Yeeri aafoochaa biin cadiqiihe.”

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 4:15

Arooba oogeton emirito ittoshine; illa are ittoshi emiroo and aaye? Ittoshich bi hakkeemmo gaata, ittoshi aafee aachoonolla taach kichi immemmo ittoshi tunoon miixehoye.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yibbaatoo 33:29

Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

Yaaqobi 2:18

Tunebaani ikke asho “Neech mullee tooꞌiyoo beetone; taachoo shuunoo beetone” ii beeti asho bi beegaata, tawoo biich, “Eke ne mullee tooꞌiyoon shuunoyee bariiree bekkiibe; tawoo ta mullee tooꞌiyoon shuunoona bekkiyemmo taane” gettemmo taane.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich: