Roomi 4:3 - Kafa Linguistics Project

³ Yaafe Macaafoochaa ama getteete? “Abrahami mulloon Yeeri toommooch tooꞌiihe; ebi bi mullee tooꞌiyoo Yeeri aafoochaa biin cadiqiihe” getteetone.

Roomi 4:3 ပူးပေါင်းရင်းမြစ်များ

Halloo 15:6

Abraamiyoo bi mulloon Doono Yeeri toommooch tooꞌiihe; ebi bi mullee tooꞌiyoo Yeeri aafoochaa biin cadiqiihe.

Shoddo 106:31

Ebiyoo shiijjeroochee shiijjerooch bulli yemeenoon cadiqo tuniitaa biich haddeehe.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Maatiyoosi 20:9

“Aroochee aaraa ikke saatooch waatinaꞌo giddeꞌi boonoshi qelli qelloona ikke diinaaroon deqqiyeete.

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Roomi 11:2

Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone:

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 4:5

Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye.

Roomi 4:9

Illa ebi Daawiti gettiti diiroo dokireetinaꞌoyich baachiye? Toonoone. Dokireyaaneenaꞌoyichoonane. Ebiyoo Yaafe Macaafoochee ta gettetoommon, “Abrahami Yeeri toommooch mulloon bi tooꞌiyoo Yeeri aafoochaa biin cadiqiihe.”

Roomi 9:17

Yaafe Macaafoochaa Yeeri Faroonin “Ne toommoochaa ta tuniyaabeeti shuunoona ta giidoon ta bekkiyemmoyich, ta shigoo showee toommo bulliich bi arichemmoyich, ebichi naboyichiye neen ta taatiito” iye.

Yaaqobi 2:23

Yaafe Macaafo “Abrahami mulloon Yeeri toommooch tooꞌiihe; ebi mullee tooꞌiyoo Yeeri aafoochaa biin cadiqiihe” bi ito ceennitone; biyoo Yeerichi shunecho getteetone.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?