Roomi 4:16 - Kafa Linguistics Project

^16-17 Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

Roomi 4:16 ပူးပေါင်းရင်းမြစ်များ

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Luqaasi 19:9

Yesuusiyoo biich ishichiye: “Hini uro Abrahamichi bushoo bi tunetoyich, hanaach hini kexooch wodoo tunetone.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 9:8

Ebi geto Yeeri gibenikkiti gibenee qaaroona shiijjeti bushiisheenaꞌo ibere bi yaroo tuneꞌi haddeeteetalli, ebi meenona shiijjeti bushiisheenaꞌo Yeerichi bushiisheenaꞌo tooneenaꞌone getone.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:16

Ebiyoommon wotta Yeeri Abrahaminaa bi yaroonoyich gibenee qaaroon gettiye; bi gettii beegaata, “Ne yaroyich” iꞌi ikke Abrahami yaroochon gettiyani, “Ne yareenaꞌoyich” iꞌi meetinaꞌochon getaanoone; ebi yaroo getoo Kiristoosine.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Efesooni 2:5

no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.