Roomi 4:11 - Kafa Linguistics Project

¹¹ Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 4:11 ပူးပေါင်းရင်းမြစ်များ

Halloo 17:24

Abrahami bi dokireehooba, yixenaa yiixiye nati ashoone.

Shoddo 47:9

Abrahami Nuggishoochi asheenaꞌochoommon, maccee iraasheenaꞌo kiceeheete. Ebiyoo showee iraasheenaꞌo Yeerichinaꞌo boonoshi tunetoyichiye; bi oogeti oogechone.

Keyo 12:13

Damoo ittoshi beeti kexon bariiꞌi, bekkiibeeti malletoo tunemmone. Tawoo damoon ta beegiyooba, ittoshin besheree hammemmo taane; Gibitseenaꞌon ta naxehooba, naxo ittoshi waan shagaachemmone.

Keyo 31:13

“Israꞌeeleenaꞌoyich ishichibe: ‘Doono Yeeri ta, ittoshin yaafiibeeto ta tunoon ittoshi ariyemmoyich, taannaa ittoshinochi daggooch, gubbi ittoshi shiijjeroo bulli daggoochoo malletoo bi tunetoyich, ta shambetoon quyebote.

Keyo 31:17

Taannaa Israꞌeeleenaꞌonochi daggooch bulli yemeenoon malletoo tunemmone. Ebiyoo Doono Yeeri ta, shimaayoonaa showoonon shiritte qemi daggooch shuunaꞌa, shabaattinnee qemooba ta shuunoochee ta kashetoyichiye’ gete” iye.

Hiziqeeli 20:12

Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.

Hiziqeeli 20:20

Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.

Maatiyoosi 16:16

Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Maatiyoosi 8:11

Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Luqaasi 19:9

Yesuusiyoo biich ishichiye: “Hini uro Abrahamichi bushoo bi tunetoyich, hanaach hini kexooch wodoo tunetone.

Yowannisi 3:33

Bi miixee beeton iberiito, Yeeri iberoo bi tunoon miixetone.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Yowannisi 8:33

Boonoshiyoo wochiꞌi, “Abrahamichi yaroo noone; konichona cir guuno tuneyaano noone. ‘Guuchittinoochee kechemmo ittoshine’ iyaꞌa aabichaꞌa noon gettenne?” iyeete.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Roomi 10:4

Boonoshi mulloon bi toommooch tooꞌii beetinaꞌo bulli cadiqemmoyich Kiristoosi sheeree tacone.

Roomi 10:6

Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane;

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 3:26

tunebaani and hini yemeenooch bi cadiqittino bekkemmoyich, Yeeri bi qelloona cadiqo bi tunoon, bi mulloon Yesuus Kiristoosi toommooch tooꞌiibeeto bullinoo cadiqiibeeto bi tunoon bekkii beetone.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

Roomi 4:10

Am shaahe gommona biin cadiqiihe? Dokiree bi iichaanane woyee dokireyaan bi beeteenane? Dokiree bi iichaa toonoone; dokireyaan bi beetenane.

Roomi 9:30

Illa ama gettehone? Cadiqoon dabbaani Aageteenaꞌo cadiqiyeete; boonoshi cadiqitoo Yeeri toommooch mulloon tooꞌiyoonane.

Roomi 9:6

Tunebaani Yeerichi gibenee qaaro shaddeetone geto toonoone. Ebi Israꞌeelee yareenaꞌo bulli ibere Israꞌeeleenaꞌo tooneenaꞌone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Galaati 3:29

Ittoshiyoo Kiristoosicho ittoshi tunegaata, illa Abrahamichi yaroo ittoshine; Yeeriyoo bi gibenikkitoommon, woraashecho ittoshine.

Galaati 3:7

Illa mulloon Yeeri toommooch toꞌiitinaꞌo Abrahamichi bushiisheenaꞌo boonoshi tunoon ariibote.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Galaati 6:16

Ebi ta gettaabeeti doyoommona beetinaꞌo bullich, Yeerichi asheenaꞌo tuneti Israꞌeeleenaꞌoyich, diggoonaa ariqqoona tunebe.

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yaaꞌoo 9:4

“Yeerichi maatemo boonoshi barooch geddeyaani asheenaꞌoyee beshetaa, showooch beeti mocoo tuneba naaxiibeeti mooyo, mixo tuneba eboshichi achooch shaggaahote” getteehe.