Roomi 3:26 - Kafa Linguistics Project

²⁶ tunebaani and hini yemeenooch bi cadiqittino bekkemmoyich, Yeeri bi qelloona cadiqo bi tunoon, bi mulloon Yesuus Kiristoosi toommooch tooꞌiibeeto bullinoo cadiqiibeeto bi tunoon bekkii beetone.

Roomi 3:26 ပူးပေါင်းရင်းမြစ်များ

Isiyaasi 42:21

Doono Yeeri bi cadiqittinoyicha iꞌi, bi sheeroon oogiyoonaa moogiyoonon shunniye.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Luqaasi 1:80

Ebina are bushoo dicciye; ayaanoona kupphehe. Israꞌeelee ashi aafooch xalla bi kechemmi aabo beddimmi wottoon barahooch beehe.

Roomi 3:25

Ufeti Yesuus Kiristoosichi damoona asho bi axaaxoyich maaroon bi danemmoyich deejjoon tuniiꞌi Yeeri neechiye; ebi maaroon dano asho hakkemmo, Yesuus Kiristoosi toommooch mullee tooꞌiyoonane. Yeeri ebin bi tuniito bi cadiqittinoon bekkiyoyichiye. Yeeri ebiyee aaf asho shuuneti axaaxoon haaꞌiyoona beshiitone;

Roomi 3:27

Illa asho geecemmi mooyo aaye? Echetone. Amee naboona? Muusichi Sheeroon ceechoonane? Toonoone. Yesuus Kiristoosi toommooch mullee tooꞌiyoonane.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

Roomi 4:5

Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye.

Roomi 8:33

Yeeri kaaccitinaꞌon taggemmo konine? Yeeri bi qelloona cadiqiihe.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!