Roomi 3:20 - Kafa Linguistics Project

²⁰ Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 3:20 ပူးပေါင်းရင်းမြစ်များ

Iyoobi 15:15

Yeeri bi maraakeenaꞌonolla gibeneyaanoone; shimaayeenaꞌolla bi aafoochaa xalleenaꞌo tooneenaꞌone;

Shoddo 130:3

Doono Yeero, axaaxoon ne yichimmo gaata, ta Doonocho, koni hakki neexeshone?

Shoddo 143:2

Kashecho bulli ne aafooch cadiqo tuno bi qajjitoyich, ne guuno taan nallee gabberooch giddiyaahine.

Mishiraachechinaꞌo 13:39

Wotta bi mulloon Yesuusi toommooch tooꞌiito bulli, Muusichi Sheeroo biisho hakkaani axaaxoo bulliichee biinna biicheyemmo bi tunoon ariibote.

Roomi 2:13

Yeeri aafoochaa cadiqemminaꞌo sheeroon waayeꞌi shuunee toommooch heechii beetinaꞌoani, sheeroon baad cikkii waayee beetinaꞌo tooneenaꞌone.

Roomi 3:28

Ebich asho Muusichi Sheeroon ceechoona tuneyaanoon, Kiristoosi toommooch mulloon tooꞌiyoona cadiqemmo bi tunoon beeggaabeeto noone.

Roomi 4:13

Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone.

Roomi 4:15

Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.

Roomi 5:13

Yeeri bi sheeroon Muusichi kishoona bi imoyee shiichiꞌi, axaaxoo hini alemooch beehe; tunebaani sheeroo aalli xaaꞌooch asho bi shuuneti axaaxoo bi toommooch haddeyaanoone.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

Roomi 7:11

Axaaxoo gommon daneꞌi sheeroo gettiibeeti gommona taan dachitone; are sheeroo gettiibeeti mooyona taan wuxitone.

Roomi 9:32

Amoyichiye shago boonoshi qajjito? Shuunoonalli, Yeeri toommooch mullee tooꞌiyoona cadiqoon boonoshi qaawoo qajjitoyichiye. Yeeri ishichitone: “Ebiyoche, asheenaꞌon tephemmi xaqqoon, yexi dichemmi xaqqee guudon Tsiyoon kotiyemmo taane; bi toommooch mulloon tooꞌiibeeto yeelleyaachemmone” getaa bi kooreetoommon, ebi are tephemmi xaqqoona tepheeꞌi dihiyeete.

1 Qorontoosi 15:56

Qitoo gayon bi daneebeeto, axaaxoocheeniye; axaaxoo wuxee giidoon bi daneebeeto, Muusichi Sheeroocheeniye.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Galaati 2:19

Kashechon tuneree Yeerich ta beeyemmoyich, sheeroo waanaa sheeroyich qitito taane. Kiristoosina tookkaa yooddeto taane.

Galaati 5:4

Sheeroon ceechoona cadiqiya ii beeti ittoshi Kiristoosiyee bariꞌi, bi wojjoochee kechiꞌi dihito ittoshine.