Roomi 3:11 - Kafa Linguistics Project

¹¹ shalligiibeeto aalloone; Yeerinoo qaawiibeeto aalloone.

Roomi 3:11 ပူးပေါင်းရင်းမြစ်များ

Shoddo 53:2

Shalligecho, Yeerinoo qaawiibeeto beegaata beegoyich, Yeeri shimaayoochaa dugilla ashi bushiisheenaꞌo waan ciinniye.

Shoddo 53:4

Koshon mamoommon ta asheenaꞌon maabeeti, Yeeri ta waan corootii ariyaani, gondoon shuuneebeeti ebi asheenaꞌoyich, halla shalligoo aalloone?

Shoddo 94:8

Asheenaꞌo daggooch beeti tuusheenaꞌote, shalligibote; mullaalleenaꞌote, mullechon ittoshi tunemmo aatane?

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Isiyaasi 65:1

Doono Yeeri ishichiye: “Taan echeyaaneenaꞌoyich bekkehoye; taan qaawaaneenaꞌoyich danehoye; ta shigoon ceegaani aageteenaꞌoyich ‘Hini tawoche, hini tawoche!’ iyoye.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Roomi 1:22

“Ariyecho noone” iibee mullaalleenaꞌo tuneheete.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 3:10

Ishichaa bi kooreetoommon, “Cadiqo aalloone; ikkolla aalloone;

Roomi 3:12

Yeerichi gommoochee badd wottetinaꞌone; ikkittinoona duubetinaꞌone; gaaweton shuuneebeeto aalloone; ikkolla aalloone.

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.