Roomi 2:8 - Kafa Linguistics Project

⁸ Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Roomi 2:8 ပူးပေါင်းရင်းမြစ်များ

2 Kiinoo 6:23

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

Iyoobi 24:13

“Gonde asheenaꞌo, bekkoon shixxiibeeti, bi boochoonoo ariyaani, bi kaattoochoo neexee yagaani asheenaꞌone.

Shoddo 90:11

Neen shattii beetinaꞌo ne kaaree shiixxoon ariyoommon, kupphe ne kaaroon ariyemmo konine? Ne kaaree shiixxoo neen shatoommi oogoone.

Shaahiyoo 11:23

Cadiqeenaꞌochi qaatoo, gaawe mooyon daniihe; tunebaani gondeenaꞌochi qaatoo naxoon deebiye.

Shaahiyoo 13:10

Geecoo yexooch bechiye; tunebaani ciicoon deqqii beetinaꞌo mullechinaꞌone.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Erimiyaasi 34:18

Ta wogoon happiti, ta aafooch boonoshi giyiti wogoon quyeyaani asheenaꞌon, bi meenon gutta qoodiichii bi gutte daggoona boonoshi besheti maamo toommooch boonoshi tuniitoommon, boonoshi toommooch tuniyemmo taane.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Roomi 1:18

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Roomi 10:16

Tunebaani bulliyoo mishiraachee qaaroyich deꞌa getaaneenaꞌone. Keemechi Isiyaasi, “Doono Yeero, no miixeton koni iberiite?” itone.

Roomi 15:18

Aageteenaꞌo Yeerich deꞌa boonoshi gettemmoyich, Kiristoosi bi qaaroonaa bi shuunoona, worganikkiti malletoonaa gaakkechi shuunoonochi giidoona, Yaafe Ayaanee giidoona ta waanaa tuneꞌi bi shuuneti mooyoyee beshe bare amoonolla getoyich aafoon kuppheyaache. Ebich Yerusaalemee tiijjaꞌa Iliriqoonee showooch beddaahaa guuddaꞌa Kiristoosichi mishiraachoon ikkeenolla echiyaanoon gettaa bechito taane.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

1 Qorontoosi 11:16

Ebichi naboona gajjiteyemmo bi beegaata, nowoo tunebon woyee Yeerichi kittinnee guuphinaꞌoo, ebiyee damba bare doyoo nooch aalloone.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Filipphisiyoosi 1:17

Tunebaani ohoshi cuyee kexooch cuchaꞌa ta beetaa xuuxoon ta toommooch deebi daakkemmo boonoshich bi shaahaa, beshe bekkeya iꞌi xalloo tuneyaani gaboona Kiristoosichi mishiraachee qaaroon gettii beetinaꞌone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Titoosi 3:9

Tunebaani gaacaalli gajjiteyoochee, qaabbechinaꞌochi shigee haddoochee, hayoochee, sheeree naboona tiyiibeeti kaaroocheenoo wohe; eboshi bulli gaacaani duubeenaꞌone.

Hibireena'o 10:27

Echeti mooyo bi beegaata, shattiibeeti Yeerichi nalloonaa Yeerin shixxii beetinaꞌon michi aalliyemmi giidechi qaaqqoonon quyo baachiye.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 3:16

Qanaatoonaa beshi bekkeya getona beeti xaaꞌooch, aroochoo wotta hukkoonaa gonde shuunoo bullina beetone.

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.