Roomi 2:3 - Kafa Linguistics Project

³ Newoo ebin tunii beetinaꞌo toommooch nallaabeeti, aroonoo tuniibeeti ashoocho, Yeerichi nalloochee muriccemmo shaahaa beetine?

Roomi 2:3 ပူးပေါင်းရင်းမြစ်များ

2 Saameeli 10:3

Tunebaani Amoonee iraasheenaꞌo boonoshi doono Hanuunich ishichiyeete: “Daawiti ebi cacheyechinaꞌon ne waan bi deejjito, ne aabbin oogiiꞌi neech shaahii beete? Toonoone; no katemoon kochii aalliyoyich, qiidi boshe boonoshi beeggemmoyich toone?” iyeete.

Iyoobi 35:2

“Iyoobo, ‘Yeeri aafooch xalloo taane’ ne geto, ebi tate mooyone iyaꞌaniye ne gabaabeeto?

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 56:7

Ebich Yeero, boonoshi muriccemmoyich tuniyaahine; macceenaꞌon ne kaaroona dichibe.

Shaahiyoo 11:21

Gonde asheenaꞌo sheereyoo echeyaani mooyone; tunebaani cadiqeenaꞌo wodemminaꞌone.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Hiziqeeli 17:15

Tunebaani Yihudee taatoo bi toommooch hukkeꞌi haresheenaꞌonaa meeti ginee naayinaꞌonon bi danemmoyich wocheyechinaꞌon Gibits daachiihe. Biich kaamehe? Ebiyoommi mooyon tuniimmi asho muriccehe? Wogoon happiichi muricon hakkehe?

Hiziqeeli 17:18

Bi giyiti wogoon happoona wogoon bi qallayitoyich, kishoon bi immitoyee gubb ebi bullinoo bi tuniitoyich, muricaachemmone’ gete.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maatiyoosi 26:53

Ebiyoommo gaata, ta Nihoon qollo taan mawemmo neech shaahii beete? Ta qolletaa, bekkech aaraa gutte Legiyoonee maraakeenaꞌoyee beshoon taach deejjeshone.

Luqaasi 12:14

Yesuusiyoo “Hini uroocho, ittoshi toommooch iristoon qoodechonaa nallechona ta tunemmoyich, konine taan ukkiriito?” iye.

Luqaasi 22:58

Giishechoon yiccimimmona wotta baroo waa Pheexiroosin beeggiꞌi, “Ne wotta boonoshi magecho neene” iye. Andoo Pheexiroosi “Hini uroocho, ta toono taane!” iꞌi wochiye.

Luqaasi 22:60

Tunebaani Pheexiroosi “Hini uroocho, ne gettaa beeton ariyaano taane!” iye. Ebin bi gettimmona, bekkech baakkoo kuukkiye.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 2:1

Hini ashoocho, baroo toommooch nallaa beetine? Amee asholla ne tunegaata, ne dametemmi gommo aalloone. Bare asho tuniibeeti mooyinaꞌon ne, ne qelloona tuniyaa ne beetoyich, ne toommooch wochaa nallaabeeto neene.

Roomi 2:2

Ebiyoommi mooyon tunii beetinaꞌo toommooch Yeeri iberittinee nalloon nallemmo bi tunoon ariibeeto noone.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.