Roomi 2:29 - Kafa Linguistics Project

²⁹ Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

Roomi 2:29 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Shoddo 45:13

Taatoochi bushee bi gatoochaa shashetine; bi tahoo aachoona wacwaccitone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 9:25

Doono Yeeri ishichiye: “Shigoyich baach dokireetinaꞌo bullin ta sheeremmi aabo woyemmone;

Luqaasi 11:39

Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Luqaasi 17:21

Wotta ‘Hach hinin beege’ woyee ‘Beqach ebin beege’ getteyaachemmone. Yeerichi taatittine and ittoshi daggooch beetine” iye.

Yowannisi 12:43

Ebiyoo Yeeri boonoshin oogiyoyee beshoon asho boonoshin oogiyemmoyich boonoshi qaawitoyichiye.

Yowannisi 4:23

Tunebaani iberittinoona goyinnee beetinaꞌo, Nihoo Yeerich Yaafe Ayaanee hakkoonaa iberittinoona boonoshi goyinnemmi yemeeno woyemmone; andoo waatone; Nihoo Yeeri biich boonoshi goyinnemmoyich eboshiyoomminaꞌon qaawii beetone.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 2:27

Ebich icheti Sheeree Macaafo neech beetonaa dokireetona tunaachaa ebi sheeroon shaaddaabeeti ne toommooch Muusichi Sheerooch kooreeton ceechiibeeti, bi meenona dokireyaano nallemmone.

Roomi 3:1

Illa Ayihudee asho tunee gaaco amoone? Woyee dokireyee gaaco amoone?

Roomi 7:6

Tunebaani wonna no cucheti sheeroyich qitito noone; ebich Yeeri ebi sheeroochee and noon biichitone; ebichoo Yeerich no hajjeebeeto, Yaafe Ayaano noon yaabiibeeti andire gommonalli, kooreeti Muusichi Sheeroo gettiibeeti wonnee gommona toonoone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

1 Qorontoosi 7:19

Yeerichi getoon ceechoani besho, dokireyoo woyee dokireyee qayo bi hallemmi mooyo aalloone.

2 Qorontoosi 10:18

Asho galleteyoyich beddito tuno bi hakkemmo, Doono Yeeri biin galleteteenalli, biin wochii bi galletetaa toonoone.

2 Qorontoosi 3:6

Biyoo Yaafe Ayaanoonalli kooreeti sheeroona tuneyaani andire wogee maddecho no tunemmoyich noon bedditon tuniihe. Kooreeti sheeroo wuxiye; tunebaani Yaafe Ayaano kashoon immiye.

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

1 Tasaloonqi 2:4

Tunebaani Yeeri mishiraachee qaaree getti shuunoon nooch guudii bi immemmoyich gibeneeto tunaꞌa no danetoyich, arooniye no gettaabeeto; no gettaa beegaata emirikkoyich no qaawaabeeto, no mulleexi gaboon maqqiꞌi ariibeeti Yeerinalli, ashoon toonoone.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.