Roomi 2:2 - Kafa Linguistics Project

² Ebiyoommi mooyon tunii beetinaꞌo toommooch Yeeri iberittinee nalloon nallemmo bi tunoon ariibeeto noone.

Roomi 2:2 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Iyoobi 34:23

Bi aafooch gidderee bi taggemmoyich, Yeeri asho konichona aaboon taajjeyaanoone.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 9:4

Ne, taatee qeenooch kotaachaa dayinnetoona nallihine; ta taggoon beeggaꞌa tachii nallihine.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Isiyaasi 45:19

Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Hiziqeeli 18:29

Tunebaani Israꞌeelee macceenaꞌo ‘Yeerichi gommo kaamoo toonoone’ itinaꞌone. Israꞌeelee macceenaꞌote, iberoochaa ta gommo kaamoo toone? Kaamoo tuneyaano ittoshi gommo toone?

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Roomi 2:1

Hini ashoocho, baroo toommooch nallaa beetine? Amee asholla ne tunegaata, ne dametemmi gommo aalloone. Bare asho tuniibeeti mooyinaꞌon ne, ne qelloona tuniyaa ne beetoyich, ne toommooch wochaa nallaabeeto neene.

Roomi 2:3

Newoo ebin tunii beetinaꞌo toommooch nallaabeeti, aroonoo tuniibeeti ashoocho, Yeerichi nalloochee muriccemmo shaahaa beetine?

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Roomi 9:14

Illa ama gettehone? Yeeri gondoon shuunee beetone? Shuuneyaache!

Yaaꞌoo 16:5

Aacinaꞌon quyeebeeti maraakoo: “Aafoo beeti, andoo beeti Yaafoocho! Eechaꞌa ne nallitoyich cadiqo neene.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.