Roomi 2:16 - Kafa Linguistics Project

¹⁶ Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

Roomi 2:16 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Shoddo 50:6

Yeeri bi qelloona nallecho bi tunetoyich, shimaayeenaꞌo bi cadiqoon awaajjiyeete.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Luqaasi 8:17

Aacheeti mooyo bulli xalla keyo, maaceexi mooyo gaxxeeꞌi aricho echeyaachemmone.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Mishiraachechinaꞌo 10:42

‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Roomi 3:6

Ciroona toonoone! Ebi bi tunemmo gaata, Yeeri alemeexi ashi toommooch bi nallemmo aabichireeshiye?

1 Qorontoosi 15:1

Ta maneenaꞌote! Ittoshich ta getaa waayeꞌi ittoshi iberiiti, aroona ittoshi neexeti mishiraachee qaaroon ittoshich shalligichiyoye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Galaati 1:11

Ta maneenaꞌote! Ta gettaabeeti mishiraachee qaaro ashi gaboochee kechito bi tunee qayon ittoshi ariyemmoyich shunnoye.

1 Ximootiyoosi 1:11

Hini gaawe kittinnittinee doyoo bi daneebeeto, galleteya bede Yeeri taach aderoon bi immiti, oogee yiirechi mishiraachee qaaroocheeniye.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

1 Pheexiroosi 4:5

tunebaani kashoona beetinaꞌonaa qititinaꞌonochi toommooch nalloyich qannito aafooch neexeree boonoshi shuuneti shuunoyich echeyemminaꞌone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.