Roomi 2:14 - Kafa Linguistics Project

¹⁴ Sheeroo boonoshich icheyaani Aageteenaꞌo, boonoshi halloona sheerooch getteeton boonoshi tunii beegaata, sheeroo boonoshich icheyoo bi qajjitaanona boonoshi mullooch bi beetoyich, boonoshi tuniiya bede mooyon arii beetinaꞌone.

Roomi 2:14 ပူးပေါင်းရင်းမြစ်များ

Mishiraachechinaꞌo 10:35

aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone.

Mishiraachechinaꞌo 14:16

Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye.

Mishiraachechinaꞌo 17:30

Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 2:12

Muusichi Sheeroo boonoshich icheyaanoon axaaxoon shuunee beetinaꞌo, ebi sheeroo boonoshich icheyoo bi qajjitaanona, aallemminaꞌone; Muusichi Sheeroo boonoshich icheechaa axaaxoon shuunee beetinaꞌo ebi sheerooch kooreetona boonoshi toommooch nalleyemmone.

Roomi 2:15

Boonoshi gaboo boonoshin bi taggetaa woyee deggitaa, boonoshi mullo boonoshin ittibatee beetone. Ebich sheerooch kooreeto boonoshi mullooch kooreeto bi tunoon boonoshi qoco bekkii beetone.

Roomi 2:27

Ebich icheti Sheeree Macaafo neech beetonaa dokireetona tunaachaa ebi sheeroon shaaddaabeeti ne toommooch Muusichi Sheerooch kooreeton ceechiibeeti, bi meenona dokireyaano nallemmone.

1 Qorontoosi 11:14

Qelloon kaacciibee genjiyoo anaamoyich bachoo bi tunoommon, genje qello maachech oogee yiiroo bi tunoon Yeeri ashich bi qociiti beemi shuriyoona ittoshich bekkeyaache? Yeeri maachech “Bi qello biich qeroone” iꞌi immitone.

1 Qorontoosi 9:21

Ebiyoommon wotta Muusichi Sheeroyich hajjeyaaneenaꞌon Kiristoos waan wochoyicha iyaꞌa boonoshina tookkaa beebee boonoshin shaahaꞌa beeho; tunebaani ibere mooyoochaa Kiristoosichi sheeroyich hajjeyaanoon beetaano taane; ebich ebina Yeeri aafoochaa bi sheeroyich hajjeyaani uro toono taane.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Yibbaatoo 4:7

“No Nuggishoo Doono Yeeri bi waan no cookaa no waan bi katinoommon, bi nuggishoo bi waan katinniibeeti aricheti aagetoo, konine?

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.