Roomi 16:3 - Kafa Linguistics Project

³ Kiristoos Yesuusichi shuunoon taanna tookkii shuuneebeeti Phirisqilinaa Aqilinoyich ta diggiyoon getote.

Roomi 16:3 ပူးပေါင်းရင်းမြစ်များ

Mishiraachechinaꞌo 18:26

Biyoo aafoon kuppheꞌi Ayihudeenaꞌo kiceebeeti kexooch giyiꞌi gettiye. Ishin Phirisqilinaa Aqilina waayeꞌi, boonoshi kexooch daammii Yeerichi gommon aafichoyee beshoon kaachiree bi ariyemmoyich tuniiheete.

Roomi 16:10

Kiristoosich bi gibeneyoo miixeeꞌi naadeeti Apheleesich ta diggiyoon getote. Arixobuloosichi kechi asheenaꞌoyich ta diggiyoon getote.

Roomi 16:4

Boonoshiyoo boonoshi kashoonolla aaxxiyaanoon taach qitiya kuxxiti asheenaꞌone; ta ikkeeto baach tuneyaanoon, wodde xaaꞌoona corootoyich kiceebeeti aagetee kittinnee guupho bulli naadiibeeti asheenaꞌone.

Roomi 16:7

Mishiraachechinaꞌo daggoochee woraafa getteetinaꞌo, wotta Kiristoosi toommooch mulloon tooꞌiyoona tayee qaabbeenaꞌo, taanna tookkii cucheti ta xibeenaꞌo Andironiqoosinaa Yuniyasinoyich ta diggiyoon getote.

Roomi 16:9

Kiristoosina, noonna tookkii shuuneti Uribaanoosich, ta shunnaabeeti Istakoosich ta diggiyoon getote.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

1 Qorontoosi 16:16

And ittoshin ta qollemmi ikke mooyo beetone; ebiyoo eboshiyoommi asheenaꞌonaa boonoshina tookkii shuuneebee yullee beetinaꞌo bullinoyich ittoshi deꞌa gettemmoyichiye.

1 Qorontoosi 16:19

Isiyee showooch beeti kittinnee guuphinaꞌo ittoshin diggii beetinaꞌone. Aqilinaa Phirisqilina, boonoshi kexoochoo kiceebeeti kittinneenaꞌo no Doonochi shigoona gaawichii ittoshin diggii beetinaꞌone.

2 Qorontoosi 12:2

Kiristoosicho tuneti ikke uroon ariiho; ebi tunehooba meenona tuneba kashoona, ta ariyaache; Yeeri ariihe. Ebi uro aaraa awudde natoyee aaf keejjinnee shimaayooch beddaahaa tiijjaa hammiye.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

Galaati 1:22

Arooba boonoshi mulloon Kiristoosi toommooch tooꞌiiti, Yihudee showeexi kittinnee guuphinaꞌo taan beeggii ariyaaneenaꞌone.

Filipphisiyoosi 2:25

Taach manoo, taanna tookkii Kiristoosichi shuunoon shuunoona ginee naayoommo tuneti, ittoshi waanee wocheeꞌi waa taan gaacheebeeti Ephafroditoosin ittoshi waan daachiyoo taach qaaweebeeto bi tunoon gabito taane.

2 Ximootiyoosi 4:19

Phirisqilinaa Aqilinoyich, Honesifoorichi kechi asheenaꞌonoyichoo ta diggiyoon beechibe.