Roomi 16:25 - Kafa Linguistics Project

^25-26 Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 16:25 ပူးပေါင်းရင်းမြစ်များ

Shoddo 78:2

Ta yibbaatoon shaahiyoona wonnemmo taane; wonnee tiijjiꞌi aacheeti mooyon gaxxemmo taane.

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Maatiyoosi 13:17

Iberoon ittoshich gettoye: Meeti keemechinaꞌonaa cadiqeenaꞌona ittoshi beeggii beeton beegoyich qaatitinaꞌone; tunebaani beegaaneenaꞌone; ittoshi waayee beetonoo waayoyich qaatitinaꞌone; tunebaani waayeyaaneenaꞌone” iye.

Maatiyoosi 13:35

Ebi bi tuneti naboo, “Shaahiyoona gettemmo taane; Yeeri alemoon bi hallitoochee tiijjiꞌi aacheeti mooyon gaxxemmo taane” iꞌi keemecho gettito ceennemmoyichiye.

Maatiyoosi 20:7

“Boonoshiyoo wochiꞌi, ‘Noon shuuniyemmon muccaꞌaaniye no neexaabeeto’ iyeete. “Biyoo ‘Ishigaata, ittoshiyoo wotta ta woyinee goyee xaaꞌooch hamiree shuunebote’ iye.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 14:4

Haano, bare ashi aafee bushoo toommooch nallaa beetocho, ne koni neene? Aroo bi neexegaata woyee bi dihigaata bi hajjee doonochiye. Tunebaani Yeeri biin neechoon hakkemmo bi tunetoyich neexemmone.

Roomi 16:24

[No Doono Yesuus Kiristoosichi wojjoo ittoshi bullina tookki tunebe. Ameena.]

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

1 Qorontoosi 2:7

Hini shalligoo Yeerichi maacee mooyone; Yeeri yemeeno bulliyee aaf “Hini shalligoona oogee yiiroon boonoshich immemmo taane” iꞌi nooch gabiꞌi bi kotiiti yemeenoochee tiijjiꞌi hanaach beddaahaa, aacheeti mooyone.

1 Qorontoosi 4:1

Kiristoosichi maddechonaa Yeerichi maacee mooyon gaxxaꞌa gettaa bechaabeeti bi yakkirechona no tunoon asho bulli gabibe.

2 Qorontoosi 4:3

No mishiraachee qaaro qereeto bi tunetaanoona, bi qereeto, aallooch hammii beetinaꞌoyichiye.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Galaati 2:2

Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

Qolaasiyaasi 4:3

Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

1 Tasaloonqi 3:13

No Doono Yesuusi bi yaafeenaꞌo bullina tookkii wottee bi waahooba, no Nuggishoonaa no Nihoonochi aafoochaa yaafeetonaa bachaalloonon tuneree ittoshi neexemmoyich ittoshi mulloon manjiibe.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

2 Tasaloonqi 3:3

No Doono gibeneetone; biyoo ittoshin kupphiyemmone; gondoochi nihoo kishoocheenoo ittoshin quyemmone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.