Roomi 16:2 - Kafa Linguistics Project

² Kittinneenaꞌo yaafeenaꞌon iibbii beetoommon, biinoo wotta ittoshi iibbiyemmoyich ittoshich shalligichaabeeto taane. Biyoo meetinaꞌon deggaabeeti, taachoo dege tuneti maneene. Ebich ittoshiyoo wotta biich qaawiibeeti mooyo bullina biin degote.

Roomi 16:2 ပူးပေါင်းရင်းမြစ်များ

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Mishiraachechinaꞌo 9:13

Tunetaa Hanaani wochiꞌi, “Ta Doonocho, hini uro Yerusaalem beeti yaafeeti ne asheenaꞌo toommooch ambiche gondoon bi shuuneto gaata meeti asheenaꞌo waanee waayeto taane;

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Mishiraachechinaꞌo 9:36

Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.

Mishiraachechinaꞌo 9:39

Bekkech Pheexiroosi tiyiꞌi, boonoshina tookkii waahe. Waa bi shaggimmona, asheenaꞌo kechi toommeexi kexooch biin daammiyeete. Xuume maacheenaꞌo bulli eefeebee, Doriqi kashoona beebee boonoshich bi shuuneti qamisoonaa bare tahoonon kichiꞌi yaachii Pheexiroosich bekkiibee bi guudoona neexeheete.

Mishiraachechinaꞌo 9:41

Biyoo bi kishoona yechiꞌi tiijjii neechiye; xuume maacheenaꞌon bare kittinneenaꞌona tookkii ceeggiꞌi, “Ebiyoche, kashechine” iꞌi boonoshich bekkiihe.

Roomi 15:7

Ebich Yeeri oogemmoyich Kiristoosi ittoshin bi waan bi katichoon shalligibee ebiyoommon tuniibotalli, ittoshinaa ittoshina ikkoo baroon shiqqiyaaye.

Roomi 16:15

Filologoosinaa Yuuliyinoyich, Neeriyinaa bi maneenoyich, Olumifaasich, boonoshina tookkii beeti yaafeenaꞌo bullichoo ta diggiyoon getote.

Roomi 16:23

Taannaa kittinnee guupho bullinon iibbiibeeti Gaayoosi ittoshin diggii beetone. Hini katemee araaqee iraashoo Erasxoosi, no manoo Qarixoosiyoo ittoshin diggii beetinaꞌone.

Roomi 16:6

Ittoshicha iyaꞌa woddoon aajjeti Maariyamich ta diggiyoon getote.

Roomi 16:9

Kiristoosina, noonna tookkii shuuneti Uribaanoosich, ta shunnaabeeti Istakoosich ta diggiyoon getote.

Efesooni 5:3

Yaafoo tuneti ittoshich tato tuno bi qajjitoyich, yahoonaa eeꞌe mooyo bullina woyee hiriggoo ittoshi daggooch bi beemo ciroona waayeyaaye.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 2:29

Taan gaachoon ittoshi hakkaani aabooch taach shappiti mooyon ceechoona bi kashoonolla aaxxiyaanoon Kiristoosichi shuunoyich qitoyich beddaahaa yaadii kuxxitone. Ebich ceeni emiroona Doono Yesuusicha getiree biin iibbiibote; biinoommi asheenaꞌo bullinoo oogiibote.

Qolaasiyaasi 4:10

Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.

2 Ximootiyoosi 1:18

Ciiree aabooba Doono Yeeri maaroon biich imbe. Efesoon ta beetaa, am shaahoon taan bi gaacheto gaata gaawichaꞌa ariibeeto neene.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

Filimooni 1:12

And biin ne waan daachiibeeto taane. Ta kashoona tachaꞌaaniye biin ta shunnaabeeto.

Filimooni 1:17

Illa taan nuuchoommon tuniiꞌa ne ciinigaata, taan tuniiree ne kexooch biin giijjibe.

2 Yowannisi 1:10

Ittoshi waan waammo koniyoona bi tunegaata, ebiyoommi doyoon yechiꞌi bi womo qayigaata, ittoshi kexooch giijjiyaahote; biin diggiyaahote.