Roomi 16:18 - Kafa Linguistics Project

¹⁸ Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Roomi 16:18 ပူးပေါင်းရင်းမြစ်များ

2 Saameeli 15:6

Biyoo taatoo waan taggoyich waabeeti Israꞌeelee asho bullich ebin tunii beehe. Ebina Israꞌeeleenaꞌo mulloon bi waan wochiye.

2 Kiinoo 18:5

Aroochee Israꞌeelee taatoo keemechi awudde balle asheenaꞌon ikkooch kiciꞌi, “Gilaadee showooch beeti Ramootin koyoyich hambotee, qayote?” iꞌi boonoshin echehe. Boonoshiyoo “Hambe; Yeeri ne kishooch beshiiree immemmone” iyeete.

Shoddo 119:130

Ne qaaroon doyoo bekkoon immiye; tuusheenaꞌon shalligechinaꞌo tuniihe.

Shoddo 12:2

Asho biinnaa biinna kootoon yibbaatehe; maanjoonaa mullee guttiyoona yibbaateheete.

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Shaahiyoo 14:15

Tuushoo, bulli mooyon iberii deqqiye; tunebaani accecho bi shaaddoon ciinniye.

Shaahiyoo 22:3

Mullechi asho hayibo womon beeggiꞌi bi qelloon aachiye; tunebaani tuushoo arooch hammii giyiꞌi xuuxehe.

Shaahiyoo 8:5

Hini tuusheenaꞌote, acon doyibote; mullaalleenaꞌote, mullechon tunebote.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Hiziqeeli 13:16

Boonoshiyoo Yerusaalemichon keemoon keemmiti, diggoo aalloon diggee yaaꞌoon beeggiti Israꞌeelee keemechinaꞌone, iye Nuggishoo Doono Yeeri’ gete” iye.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Daaneeli 11:34

Boonoshiyoo qitibee giisheche gaachoon danemminaꞌone. Dawushechi meeti asheenaꞌo boonoshina tookki ikkottemminaꞌone.

Mikiyaasi 3:5

Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

Roomi 16:19

Mishiraachee qaaroyich ittoshi deꞌa geto asho bullich waayeetone. Ebich ittoshi mooyo taan emirikkitone; gaawe mooyon shuunoyich ariyechon, gonde mooyon shuunoyich tuushoon ittoshi tunemmoyich shunnoye.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

Filipphisiyoosi 2:21

Bareenaꞌo bulli boonoshi qelli qellichon gabiyeetalli, Yesuus Kiristoosichon aaxxiyaacheete.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Qolaasiyaasi 2:4

Ishin ta ii beeto, koniyoona noonee shaawona ittoshin bi dachaachemmoyichiye.

Qolaasiyaasi 3:24

Doono Yeeri ittoshich bi qanniiti shuunee gaacee iristoon danemmo ittoshi tunoon ariibeeto ittoshine; ittoshi maddeebeeto Doono Kiristoosichiye.

2 Tasaloonqi 2:10

Ebiyoommon wotta, boonoshi wodemmi iberee qaaroon shunniꞌi deꞌon qayona aallemminaꞌon dachemmi baribare gonde shuunoon shuunoonane.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yihudi 1:12

Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?