Roomi 16:17 - Kafa Linguistics Project

¹⁷ Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

Roomi 16:17 ပူးပေါင်းရင်းမြစ်များ

Maatiyoosi 18:17

Boonoshi getaa waayo bi qayigaata, kittinnee guuphoyich gete. Wotta kittinnee guupho getaa waayo bi qayigaata, Aagetoonaa gabiyee guudoonon tuniiree ciine.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Luqaasi 17:1

Yesuusi bi dabbeenaꞌoyich ishichiye: “Ashich xugo tuneree yexi dichemmi mooyo womo echeyaachemmone; tunebaani are xugoon tunemmi ashich woowo!

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

1 Qorontoosi 11:18

Shiichiree ta gettemmi mooyo, ittoshi kiceebeeti daggooch gajjiteyoo beemon ta waayetoyichiye; ebi gajjiteyoo qatoochaa iberoo tunoon tuushaano taane.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Filipphisiyoosi 3:17

Ta maneenaꞌote! Taan shaahii beeton tunebote. No tuniyaabeeti gaawe shaahiyoon dabbii beetinaꞌon ciinote.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

2 Tasaloonqi 3:6

No maneenaꞌote! Shuuna biisheenaꞌonaa ittoshich no dojjiti doyoona hamaani maneenaꞌona waanee ittoshi wokkemmoyich, no Doono Yesuus Kiristoosichi yakkirecho tunaꞌa ittoshich gettaabeeto noone.

1 Ximootiyoosi 1:3

Makidoonee showooch ta hammehooba, neech adera ta itoommon, ikkikke asheenaꞌo koote doyoon boonoshi gamichaachemmoyich ne tuniyemmoyich are Efesoon kotebe.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

Yihudi 1:19

Eboshi kittinnee guuphinaꞌon barbarii beetinaꞌone; meechi qaatoyich hajjee beetinaꞌo, Yaafe Ayaano boonoshich aalli asheenaꞌone.