Roomi 16:12 - Kafa Linguistics Project

¹² Doono Yesuusich maddoona aajjiibeeti Tirufiininaa Tirufoosinoyich ta diggiyoon getote. Doono Yesuusich shuunoona oogeton aajjeti, shucheti no manee Fersisich ta diggiyoon getote.

Roomi 16:12 ပူးပေါင်းရင်းမြစ်များ

Maatiyoosi 5:47

Ittoshi maneenaꞌon baach diggiibeeto ittoshi tunegaata, bareenaꞌoyee amoona beshehote? Yeerich qeyaaneenaꞌolla ebin tunii beetinaꞌone.

Maatiyoosi 9:38

Illa maayi Doono qecceyemmi maayo beeti budooch qeciree kicemminaꞌon bi daachiyemmoyich corootibote” iye.

Roomi 16:11

Ta xiboo Herodiyoonich ta diggiyoon getote. Narisusi kechi asheenaꞌo daggoochee boonoshi mulloon Doono Yesuusi toommooch tooꞌiitinaꞌoyich ta diggiyoon getote.

Roomi 16:13

Doono Yesuusina kaacheti Rofoosich, bi hajjee bushoon tuniiꞌa taan deggeti bi indeyichoo ta diggiyoon getote.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

1 Qorontoosi 16:16

And ittoshin ta qollemmi ikke mooyo beetone; ebiyoo eboshiyoommi asheenaꞌonaa boonoshina tookkii shuuneebee yullee beetinaꞌo bullinoyich ittoshi deꞌa gettemmoyichiye.

Qolaasiyaasi 1:29

Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Ximootiyoosi 4:10

Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.