Roomi 15:8 - Kafa Linguistics Project

⁸ Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Roomi 15:8 ပူးပေါင်းရင်းမြစ်များ

Shaahiyoo 8:7

Iberoon yibbaateebeeti taane; ta noonoo gonde mooyon yibbaatoon ciigehe.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Maatiyoosi 15:24

Yesuusiyoo wochiꞌi, “Bago aalloommon aalleti Israꞌeeleenaꞌo ikkeetoyichiye wochetaa ta waato” iye.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Yowannisi 1:11

Bi asheenaꞌo waan waahe; bi hajjee asheenaꞌo biin qajjiyeete.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Roomi 11:22

Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone.

Roomi 11:30

Aageteenaꞌo tuneti ittoshi ebiyee aaf Yeerich deꞌa getaano ittoshine; tunebaani and Israꞌeeleenaꞌo Yeerich deꞌa boonoshi geto qajjitoyich, ittoshi maaroon danehote.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 3:26

tunebaani and hini yemeenooch bi cadiqittino bekkemmoyich, Yeeri bi qelloona cadiqo bi tunoon, bi mulloon Yesuus Kiristoosi toommooch tooꞌiibeeto bullinoo cadiqiibeeto bi tunoon bekkii beetone.

Roomi 3:3

Illa boonoshi daggoochee ikkikkeenaꞌo Yeeri toommooch mulloon tooꞌiyaaneenaꞌo boonoshi beegaatochi, boonoshi mullee tooꞌiyee qayo Yeerichi gibeneyoon echiyehe?

Roomi 4:16

Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

1 Qorontoosi 10:19

Illa ta gettaabeeto ama iiniye? “Shahalloyich deejjeeti deejjoo bi hallemmi mooyo beete” iiniye? Woyee “Shahalloo ittoshich bi hallemmi mooyo beete” iiniye?

1 Qorontoosi 10:29

Ta ishichaabeeto, “Ne manoochi mullo guttemmone” getoyichalli, “Ne hajjee mullo guttemmone” getoyich toonoone. Ikke uro “Illa bare ashi mullo gutteyaachemmoyich tuniiya ta qaawiton amoyichiye ta qajjemmo?

1 Qorontoosi 15:50

Ta maneenaꞌote! Ittoshich ta gettemmo ebiniye: Meenonaa damoonoochee halleeti ashittino Yeerichi taatittineen woraashaachemmone. Oqqemmi ashittino oꞌaachemmon woraashaachemmone.

2 Qorontoosi 1:20

Yeeri nooch gibenikkiti gibeno bulli Kiristoosinane eeha bi getteeto; ebichiye Yeerichi oogee yiiroyich Kiristoosina ameena no ii beeto.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.