Roomi 15:16 - Kafa Linguistics Project

¹⁶ Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 15:16 ပူးပေါင်းရင်းမြစ်များ

Haddoo 7:62

ixaano ceenniti, aashire sheqeelee aachoochee shuuneeti ikke shaatoo,

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 11:13

Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye.

Roomi 15:18

Aageteenaꞌo Yeerich deꞌa boonoshi gettemmoyich, Kiristoosi bi qaaroonaa bi shuunoona, worganikkiti malletoonaa gaakkechi shuunoonochi giidoona, Yaafe Ayaanee giidoona ta waanaa tuneꞌi bi shuuneti mooyoyee beshe bare amoonolla getoyich aafoon kuppheyaache. Ebich Yerusaalemee tiijjaꞌa Iliriqoonee showooch beddaahaa guuddaꞌa Kiristoosichi mishiraachoon ikkeenolla echiyaanoon gettaa bechito taane.

Roomi 15:20

Ebiyee bare asho baashiti toommooch ta hagaachemmoyich, asheenaꞌo Kiristoosichi shigo ceekketaa boonoshi waayeyaani xaaꞌooch mishiraachee qaaroon bechii getoyich qiicceto taane.

Roomi 15:29

Ittoshi waan waaree Kiristoos waanee daneebeeti ceeni wojjoon ittoshich qoodemmo ta tunoon ariibeeto taane.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

1 Qorontoosi 3:5

Illa Aphiloosiyoo tuneba ta Phawuloosiyoo tunebon, amoon hallesho noone? Ittoshi mulloon Kiristoosi toommooch ittoshi tooꞌiiti mishiraachee qaaroon gettaabee, Doono Yesuus Kiristoosi no ikkikkoyich bi immitoommon, biich maddaabeeti bi wochee bushiishoo baach noone.

1 Qorontoosi 4:1

Kiristoosichi maddechonaa Yeerichi maacee mooyon gaxxaꞌa gettaa bechaabeeti bi yakkirechona no tunoon asho bulli gabibe.

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Galaati 3:5

Yeeri bi Yaafe Ayaanoon bi immii beetonaa ittoshi daggooch gaakkechi mooyon bi shuunee beetona, sheeroon ceechii ittoshi quyoonanee mishiraachee qaaroon waayeꞌi Yesuus Kiristoosi toommooch mulloon ittoshi tooꞌiyoonane?

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Tasaloonqi 2:9

No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

1 Tasaloonqi 5:23

Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.

1 Ximootiyoosi 1:11

Hini gaawe kittinnittinee doyoo bi daneebeeto, galleteya bede Yeeri taach aderoon bi immiti, oogee yiirechi mishiraachee qaaroocheeniye.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.