Roomi 15:14 - Kafa Linguistics Project

¹⁴ Ta maneenaꞌote! Ittoshi, ittoshi qelloona deꞌittinoona ittoshi ceenon, ariyoona ittoshi ceenon, ikkoo baroon kaaree ciicon hakkemmo ittoshi tunoon, ittoshichon ta qelloona ta manjiiꞌa ariito taane.

Roomi 15:14 ပူးပေါင်းရင်းမြစ်များ

1 Qorontoosi 1:5

Ta galletaabeeto, ittoshich no miixeti Kiristoosichi qaaroon Yeeri manjiitoyichiye; Yesuus Kiristoosina ikkotteti ittoshi bulli mooyona, ebiyoo yibbaatoo bullinaa ariyoo bullina gaannecho tuneto ittoshine.

1 Qorontoosi 12:8

Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.

1 Qorontoosi 13:2

Keemoon keemmi hakkoo taach bi beetaa, Yeerichi maacee mooyo bullin ariiꞌa ariyoo bullin dano ta hakkitaa, Yeerin gibenaꞌa geppoon “Hiniichee tiyiree okk ebiich beshebe” iyaꞌa tuniyoon ta hakkitaa, shuno taach aallegaata, shokkaachoo taane.

1 Qorontoosi 8:1

Andoo shahalloyich deejjeeti deejjeechon “No bullich ariyoo beemo” iberoone. Ariyoo ashoon geececho tunii beetone; tunebaani shuno ashoon eennii beetoone.

1 Qorontoosi 8:10

Ariyecho getteebeeti ne, shahallee yaafee kexooch deejjee maayoon maaya kotaa ne beetaa, yeexere mullecho neen bi beegi gaatoche? Ebiyoommi xaaꞌooch ne bekko are uroon “Deejjee maayoon mame” iꞌi kupphiyoo toone?

1 Qorontoosi 8:7

Tunebaani asho bullich hini ariyoo aalloone. Ikkikkeenaꞌo ebiyee aaf boonoshi doyitoyich, hanaach beddaahaa ebiyoommi maayoon “Shahalloyich deejjeetone” iꞌi gabiibeeniye boonoshi maabeeto; yeexere mullecho boonoshi tunetoyich, “Eeꞌeto noone” iꞌi gabiyeete.

2 Qorontoosi 8:7

Mooyo bullina, Yeerichi toommeexi mullee tooꞌiyoona, yibbaatoona, ariyoona, giidoon qoophaanoon maddoona, noon ittoshi shunonoo beshaa besho ittoshine; ebiyoommon mulloochee tiijjiꞌi imona beshaa besho ittoshi tunemmoyich qaawaabeeto noone.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

1 Tasaloonqi 5:11

Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

Filimooni 1:21

Ta gettetoyee beshoon tuniyemmo ne tunoon ariiꞌa deꞌa ne gettemmonoo gibenaꞌa kooraabeeto taane.

Hibireena'o 5:12

And ebichi wottoon bareenaꞌon dojjiya bedo ittoshine; tunebaani ikke asho ittoshich Yeerichi qaaroon batt ikka getiree xepphooch beeti mooyinaꞌon bi dojjemmoyich wochinnoon ittoshich qaawiihe. Kupphe maayoon ittoshi maayemmi qoodoon gaggere bushiishoochoommon batt ittoshich qaawiibeeto ejjoone.

Hibireena'o 6:9

Tunebaani ta shunechinaꞌote! Ittoshich ebiyoommi magge qaaroona ta gettetaanona, Yeerina wodiꞌi ittoshi daneti wojjoo beshaa beshoo bi tunoon xiishito taane.

2 Pheexiroosi 1:12

Ebich ebi mooyinaꞌon ariito ittoshi tunetaanoona, ittoshi waan beeti iberee qaaroona manjito ittoshi tunetaanoona, wochi wochiree ittoshich shalligichemmo taane.

1 Yowannisi 2:21

Iberoon ittoshi arii beetonaa ibere mooyoochee amee koote mooyolla danee bi qayon ittoshi arii beetonoyichalli, “Iberoon ariyaachote” iyaꞌa ittoshich kooraano taane.