Roomi 15:13 - Kafa Linguistics Project

¹³ Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 15:13 ပူးပေါင်းရင်းမြစ်များ

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Erimiyaasi 14:8

Israꞌeeleenaꞌochi Gibenoocho! Iritee aabooboo boonoshi Wodiyechocho! Showooch dallaawoochoommon; xum qeyi hammemmi gomma beshechoommon ne tunaabeeto amoyichiye?

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Yowannisi 14:1

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 15:5

Ikke mulloona tuneree ikke qaaroona no Doono Yesuus Kiristoosichi Nihoo Yeerin ittoshi oogiyemmoyich, haaꞌiyoonaa goggiyoona bi waan ceenniti Yeeri Kiristoos Yesuusichi qocoon dabbiree ittoshinaa ittoshina ikke mulloona ikkotteꞌi beemi hakkoon ittoshich imbe.

1 Qorontoosi 2:4

Ta yibbaatoonaa ta awaajjaabeeti awaajjoona ta tuniito, Yaafe Ayaanee giidoon bekkiyoonalli, ashi shalligoonaa dachee yibbaatoona toonoone.

2 Qorontoosi 9:8

Bulli aaboon bulli gommona ittoshich qaawiibeeto bullin daneree, gaawe shuunoo bullin woddiree ittoshi shuunemmoyich, Yeeri bi wojjoo bullin ittoshich woddiyoon hakkiye.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

1 Tasaloonqi 1:5

Ittoshi waan no waahooba mishiraachee qaaroon ittoshich no getteto, xiishaꞌa no iberiyoon bekkiyoonaa Yaafe Ayaanee giidoona no shuunoonalli, noonoona baach toonoone. Ittoshina tookkaa no beehooba, ittoshich gabaabee aabichaꞌa no beeto gaata ariibeeto ittoshine.

1 Ximootiyoosi 1:1

Noon Wodiyechi Yeerinaa no gibeno tuneti Kiristoos Yesuusina wocheeti, Kiristoos Yesuusichi mishiraachechi Phawuloosi waanee,

Hibireena'o 6:11

Kiristoosi toommooch mullee tooꞌiyoonaa haaꞌiyoona Yeeri gibenikkiti mooyon woraashii beetinaꞌoommon ittoshi tunemmoyichalli, beenechinaꞌo ittoshi tunemmoyich ta qaatoo toonoone; are gibeno ceennimmi wottoon ittoshi ikkikkoo ebiyee aaf ittoshi kupphetoommon, ciirooch beddaahaa ittoshi kupphemmoyich qaataabeeto taane.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Saameeli 1:18

Biyoo “Ne gonnee tawoo ne aafoochaa gidoo danetin tunebone” iyan. Aroochee wottaa hammahan; maayoonoo maahan. Aroyee gubb, illa aafichoommon ayinaaneene.