Roomi 14:6 - Kafa Linguistics Project

⁶ “Ikke areddoo bare areddoyee beshoone” iꞌi oogiibeeti asho Doonoyicha iꞌi oogiihe. “Amee mooyonona ta maagaata taach daaggeetone” iꞌi maabeeto Yeerin bi galletee beetoyich, Doonoyicha iꞌi maahe. Maataache iꞌi qajjiibeeto Doonoyicha iꞌi qajjiye; Yeerinoo galletehe.

Roomi 14:6 ပူးပေါင်းရင်းမြစ်များ

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 12:42

Aroobee xum Doono Yeeri boonoshin Gibitsee kichoyich quyee bi qeyiti xumoone. Ebich Israꞌeelee asho bulli ebi xumoon quyoona tokketeyaanoon bi qeyemmi xumo tuneꞌi, bulli yemeenoon Doono Yeerich diireetone.

Keyo 16:25

Muusiyoo ishichiye: “Doono Yeerich yaafeeti shambetoo bi tunetoyich, ebi aroon hanaach mamote. Hanaach amoonolla showoochee daneyaachemmo ittoshine.

Isiyaasi 58:5

Ta qaawaabeeti coomoo ebine? Asho bi qelloon bi giishiyemmo ebiyooba baachiye? Qiximmoochoommon bi yittemmoyich, dookoon tahe, tulloon bi toommooch bi shakkemmoyichiye? Coomoo ne iyaabeeto ebiniye? Doono Yeeri taan emirikkiibeeti aabo ebine?

Zakaariyaasi 14:21

Yihudee showoonaa Yerusaaleminooch beeti gubeenaꞌo bulli, Beshe Mawe Doono Yeerich yaafeetinaꞌo tunemminaꞌone. Deejjoon giddiyoyich waa beetinaꞌo bulli shexxeenaꞌon daamiree deejjee maayoon kachiyemminaꞌone. Ebiyooba Beshe Mawe Doono Yeerichi yaafee kexooch giixeebeeti asho koniyoona daneyaachemmone.

Maatiyoosi 14:19

Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete.

Maatiyoosi 15:36

Shabaatte xekee koshonaa haashoonon yechiꞌi Yeerin galletehe. Tiichiꞌi bi dabbeenaꞌoyich immiye. Bi dabbeenaꞌoo asheenaꞌoyich giddiiꞌi qoomeheete.

Yowannisi 6:28

Ebich asheenaꞌo “Yeeri qaawiibeeti shuunoon no shuunemmoyich aabichibona?” iꞌi echeheete.

Galaati 4:10

Aaboon, agenoon, yarimmoon, natonoo haddiꞌi baariibeeto ittoshine.