Roomi 14:19 - Kafa Linguistics Project

¹⁹ Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

Roomi 14:19 ပူးပေါင်းရင်းမြစ်များ

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Maariqoosi 9:50

“Kiiho gaawetone; tunebaani kiiho noocon bi qayigaata, are kiihon amoona noociiyehote? Illa ittoshi kiihochoommon nooco tunebote; ittoshinaa ittoshina shuneree beebote” iye.

Roomi 12:18

Asho bullina tookkii diggoona beemoyich ittoshich hakkeeto bullin tuniibote.

Roomi 15:2

Kiristoosiyolla bi qelloon emirikkaanoone; Yaafe Macaafooch bi kooreetoommon, “Ne toommooch boonoshi qoonniti qoono ta toommooch kindiye” getaa kooreetoommon tunehe. Ebich no ikkikkoo kittinnee no manoon no eenniyemmoyich biich gaaccemmi gaawe mooyon shuuneree biin emirikkibone.

1 Qorontoosi 10:23

“Bulli mooyo daaggeetone;” tunebaani bulli mooyo gaaccemmo toonoone. “Bulli mooyo daaggeetone;” tunebaani bullin mooyo eenniyemmo toonoone.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

1 Qorontoosi 14:3

Tunebaani keemoon keemmiibeeto ashoon eenniyoyich, kupphiyoonaa goggiyoonoyichiye bi gettiibeeto.

1 Qorontoosi 14:4

Baribare noonoona yibbaateebeeti uro bi ikkeetoniye bi eenniibeeto; tunebaani keemoon keemmiibeeti uro kittinnee guuphoniye bi eenniibeeto.

1 Qorontoosi 14:5

Baribare noonoona ittoshi yibbaatoon shunnaabeeto taane; tunebaani beshoon ta shunnaabeeto, keemoon ittoshi keemoniye. Baribaare noonoona yibbaateeti yibbaatoo kittinnee guuphon bi eenniyemmoyich, wokkeelli biichemmi asho aallegaata, baribare noonoona yibbaateebeeti ashoyee keemoon keemmiibeeti ashoone besho.

1 Qorontoosi 7:15

Tunetaa Kiristoosi toommooch mulloon tooꞌiyaano baroon bi qaawigaata baribe. Kittinnee manoo woyee manee ebiyoommi mooyona cuchetinaꞌo tooneenaꞌone. Yeeri noon bi ceeggito, diggoona no beeyemmoyichiye.

1 Qorontoosi 8:1

Andoo shahalloyich deejjeeti deejjeechon “No bullich ariyoo beemo” iberoone. Ariyoo ashoon geececho tunii beetone; tunebaani shuno ashoon eennii beetoone.

2 Qorontoosi 12:19

And beddaahaa ittoshi gabiibeeto, no qellichon taggeebeeto tuniiꞌiniye? No shunechinaꞌote! Kiristoosina tunaꞌa no gettaabeeto Yeeri aafoochiye; ebi bullin no gettaabeeto, ittoshin eenniyoyichiye.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

Efesooni 4:12

Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

1 Ximootiyoosi 1:4

Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

1 Pheexiroosi 3:11

Gonde mooyoochee bara shokiree, gaawe mooyon shuunebe; ashoona tookkiree diggoona beemon kupphiiree qaawibe.