Roomi 14:15 - Kafa Linguistics Project

¹⁵ Kittinnee ne manoon ne maabeeti maayi naboona ayinikkaabeeto ne tunegaata, illa biin shunaano ne tunoon ne shuunaabeeti mooyona bekkiibeeto neene. Biicha iꞌi Kiristoosi qititi asho ne maabeeti maayi naboona bi aalleyaachemmoyich ne qelloon ariibe!

Roomi 14:15 ပူးပေါင်းရင်းမြစ်များ

Hiziqeeli 13:22

Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine.

Roomi 13:10

Ashoon shunniibeeto bi manoon xuꞌaache. Ebich ashoon shuno sheeroo bullin ceechoone.

Roomi 14:20

Maayi naboona Yeerichi shuunoon happiyaahine. Maayo bulli xalloone; tunebaani maayoon ne mami naboona bare asho dihemmoyich ne tuniigaata, ebi tato toonoone.

Roomi 15:2

Kiristoosiyolla bi qelloon emirikkaanoone; Yaafe Macaafooch bi kooreetoommon, “Ne toommooch boonoshi qoonniti qoono ta toommooch kindiye” getaa kooreetoommon tunehe. Ebich no ikkikkoo kittinnee no manoon no eenniyemmoyich biich gaaccemmi gaawe mooyon shuuneree biin emirikkibone.

1 Qorontoosi 13:1

Asheenaꞌonaa maraakeenaꞌonochi nooneenaꞌona ta yibbaatetaa, shuno taach aallegaata, shuurikkimmona qaaddiibeeti gooshoommo woyee qaaxilloommo taane getone.

1 Qorontoosi 8:1

Andoo shahalloyich deejjeeti deejjeechon “No bullich ariyoo beemo” iberoone. Ariyoo ashoon geececho tunii beetone; tunebaani shuno ashoon eennii beetoone.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.