Roomi 14:1 - Kafa Linguistics Project

¹ Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

Roomi 14:1 ပူးပေါင်းရင်းမြစ်များ

Iyoobi 4:3

Ne, meetinaꞌon dojjaabee, niretinaꞌon goggiyaabee, echeto neene.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 42:3

Kopheeti shombeqoon tiishaachemmone; taha bedditi ceechoonoo takkaachemmone; tunebaani gibeneeton tuneree ashi yaroo bullich dayinnetoon daniyemmone.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.

Zakaariyaasi 11:16

Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.

Maatiyoosi 12:20

kopheeti shombeqoon tiishaachemmone; taha bedditi ceechoonoo takkaachemmone. Ebin bi tuniyemmo, dayinneto wudoon bi danemmoyich bi tuniimmi wottooniye.

Maatiyoosi 14:31

Bekkech Yesuusi bi kishoon yaggii yechiꞌi tiyii, “Hini, ta toommooch ne mulloon tooꞌiyaanoocho, ne mulloon amoyich guttiinne?” iye.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maariqoosi 7:19

Maayo ashi maacooch giyiꞌi maach keyoyee damba, ashi mullooch giyaache” iye. Ebina Yesuusi maayo bulli xalloo tunoon arichiihe.

Luqaasi 17:2

Are uro hini gishiisheenaꞌo daggoochee ikkoyichona xugo bi tunoyee, ooge yiikke xaqqoon bi qettooch tifaa baharee gejjooch bi duppeto gaata, biich gaawiye.

Yowannisi 13:20

Iberoon ittoshich gettoye: Ta wocheto koninolla shunniibeeto taan shunnii beetone; taanoo shunniibeeto taan wocheton shunnii beetone” iye.

Mishiraachechinaꞌo 28:2

Arooch beeti asheenaꞌo oogichii noon gaacheheete; arooba amiyo dihaa aqqoo noon yechitoyich, qaaqqoon shookkiꞌi no bullin iibbiiheete.

Roomi 11:15

Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone!

Roomi 14:2

Ikke asho amee mooyonona bi maayemmoyich daaggeeto bi tunoon iberiibeeto beetone; tunebaani mullee tooꞌiyoona kuppheyaano amee meenonolla maataache.

Roomi 14:21

Meenon mami qayo, woyinee uyoon uyi qayo, bare ashoon xugo tuneree yexi dichemmi mooyon tuniyee qayoo gaawetone.

Roomi 14:3

Ebich maabeeto maataache iꞌi qajjiton qallayaaye; maataache iꞌi qajjito maabeeto toommooch nallaaye. Ebiyoo Yeeri biin shiqqiiꞌi qayaano bi tunetoyichiye.

Roomi 15:1

Ebich Kiristoosichi toommooch mullee tooꞌiyoona kuppheti no, no qelloon emirikkoon qayiichi kuppheyaaneenaꞌochi shaagoon shaago nooch qaawiihe.

Roomi 15:7

Ebich Yeeri oogemmoyich Kiristoosi ittoshin bi waan bi katichoon shalligibee ebiyoommon tuniibotalli, ittoshinaa ittoshina ikkoo baroon shiqqiyaaye.

Roomi 4:19

Balle natt bedd bedditi geeno bi tunetaanoona, qititoommo tuneti bi ashittinoonaa shuuqqiti Saarichi maacoonon gabiꞌi Yeeri toommooch mulloon tooꞌiyoochee gubb wotteyaanoone.

1 Qorontoosi 9:22

Kiristoosi toommooch mullee tooꞌiyoona kuppheyaaneenaꞌon kupphiyoyicha iyaꞌa boonoshina tookkaa beebee boonoshichoommon Kiristoosi toommooch mullee tooꞌiyoona kuppheyaani ashoon shaahaꞌa beeho; taach hakkeebeeti gommo bullina ikkikkeenaꞌon wodiyoyicha iyaꞌa asheenaꞌo bullin bulli mooyona boonoshin shaahiyoye.

Filipphisiyoosi 2:29

Taan gaachoon ittoshi hakkaani aabooch taach shappiti mooyon ceechoona bi kashoonolla aaxxiyaanoon Kiristoosichi shuunoyich qitoyich beddaahaa yaadii kuxxitone. Ebich ceeni emiroona Doono Yesuusicha getiree biin iibbiibote; biinoommi asheenaꞌo bullinoo oogiibote.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

Hibireena'o 5:14

tunebaani kupphe maayo qaawiibeeto, gaawetonaa gondoonon bariiꞌi doyiti, mullechi, ariiti asheenaꞌoyichiye.

2 Yowannisi 1:10

Ittoshi waan waammo koniyoona bi tunegaata, ebiyoommi doyoon yechiꞌi bi womo qayigaata, ittoshi kexooch giijjiyaahote; biin diggiyaahote.