Roomi 13:1 - Kafa Linguistics Project

¹ Asho bulli biyee damba tuneti iraasheenaꞌoyich deꞌa gete. Ebiyoo Yeeri daaggaanoon iraashittino aallo bi tunetoyich, qeejjiibeeti iraasheenaꞌonoo iraashiito Yeeri bi tunetoyichiye.

Roomi 13:1 ပူးပေါင်းရင်းမြစ်များ

Shoddo 62:11

Yeeri ikke wottoon gettiye; tawoo ebin gutte wottoon waayehoye; giidoo Yeerichone.

Shaahiyoo 24:21

Ta bushoocho, Doono Yeerinaa taatoonon shate; boonoshi toommooch hukkee beetinaꞌona bacceyaahine.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Roomi 12:21

Gondoon deꞌoona wochiballi, gondo neen koyi wochaaye.

Roomi 13:2

Ebich iraashoyich deꞌa getaache ii beeto Yeeri neechiti doyooniye deꞌa getaache bi ii beeto; ebi are deꞌa getaache ii beetinaꞌo boonoshi toommooch nalloon deebemminaꞌone.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Titoosi 3:1

Ne waan beeti kittinneenaꞌon, iraasheenaꞌonaa ukkireenaꞌonoyich hajjee beetinaꞌonaa deꞌa ii beetinaꞌona, deꞌe shuunoo bullichoo qannitinaꞌo,

Yihudi 1:8

Ebiyoommon wotta ebi asheenaꞌo gumon gummiibee boonoshi hajjee ashittinoon eeꞌii beetinaꞌone; boonoshiyee damba beeton qallayii beetinaꞌone; damba shimaayooch beeti oogee yiirechinaꞌon naaggii beetinaꞌone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.