Roomi 12:8 - Kafa Linguistics Project

⁸ Ciico bi tunegaata, ciicona kupphebone; imo bi tunegaata, mulloochee tiijjiree imbone. Kittinneenaꞌon yaabiibeeti asho bi tunegaata, kuppheree yaabibe; bareenaꞌoyich ariqqeebeeto bi tunegaata, emiribee deꞌittinoon bekkiibe.

Roomi 12:8 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 37:21

Gonde asho eretteechii qocaache; tunebaani cadiqo kishoon maggiiꞌi wojjiye.

Shaahiyoo 22:9

Bi maayoochee girechoyich bi qooditoyich, wojjechi asho diireyemmone.

Dojjecho 11:6

Maaddoona ne yaroon shoohe; womikkoo shoohaanoon kasheyaahine. Ebiyoo guttiyona gaawichi collemmo bi tunoon, woyee gutteexi ikkoo beshoon gaawemmo bi tunoon, ariyaano ne tunetoyichiye.

Dojjecho 9:10

Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Isiyaasi 32:5

Ebiyee bekk, yeexeroo ooge asho getteyaachemmone; xummoo moogeyaachemmone.

Isiyaasi 32:8

Tunebaani deꞌe asho deꞌe mooyon gabiye; deꞌe mooyonoo manjiꞌi beehe.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 13:12

Arooba Qoophiroosee iraashoo tuneti mooyon beeggiꞌi, “Doono Yesuusichon ittoshi dojjiibeeti doyoo bulli manjoone” iꞌi worganeebee bi mulloon Yesuusi toommooch tooꞌiihe.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 20:2

Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Roomi 12:13

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

Roomi 13:6

Wotta ebi shuunoona kuppheebeeti, Yeerichi maddechinaꞌone; ebich boonoshi echeebeeti gibiroon qocciibeeto ittoshine.

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

1 Qorontoosi 14:3

Tunebaani keemoon keemmiibeeto ashoon eenniyoyich, kupphiyoonaa goggiyoonoyichiye bi gettiibeeto.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

2 Qorontoosi 9:11

Ittoshi immiti wojjoo no waanaa boonoshich shagaa, meeti asheenaꞌo biin galletemmoyich, bulli aaboon mulloochee tiijjiree ittoshi immemmon Yeeri bulli gommona woddiiree ittoshich immemmone.

2 Qorontoosi 9:13

Ebi wojjoon ittoshi imo gibeneeto ittoshi tunoon bekkiyemmone; Kiristoosichi mishiraachee qaaroon iberiiꞌi deꞌa ittoshi itoyich, boonoshinaa bare asho bullinoyich mulloochee tiijjiꞌi ittoshi deggitoyichoo, asheenaꞌo Yeerin galletemminaꞌone.

2 Qorontoosi 9:7

Yeeri emiroona immii beeton shunniye; ebich asho bulli ayinoona woyee baroo imbe getaa tuneyaanoon, bi mulloona bi gabitoommon imbe.

Efesooni 6:5

Guuninaꞌote, Kiristoosich ittoshi deꞌa ii beetoommon oogiyoonaa shatona mulloochee tiijjiree ittoshi dooninaꞌoyich deꞌa getote.

Yibbaatoo 15:14

Ne gijjoochee, buchaa ne beeti ne maayoonaa hiiccaa ne beeti ne woyinee uyoonoochee kishoon maggiiree biich imbe. Ne Nuggishoo Doono Yeeri neen bi diiritoommon tuniiree imbe.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Qolaasiyaasi 3:22

Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.

1 Tasaloonqi 2:3

No gettaabeeti wochoon ittoshi waayemmoyich ittoshin no qollaa beegaata, kootoona woyee gonde gaboona woyee dawushoona toonoone.

1 Tasaloonqi 2:8

Ebiyoommon ittoshin oogichaa no shunnetoyich, Yeerichi mishiraachee qaaroon geto ikkeeto baach tuneyaanoon, no hajjee kashoonolla wotta ittoshich no qoodemmoyich mulloochee tiijjaꞌa daaggito noone; nooch oogichii shucheto tuneꞌi bekketo ittoshine.

1 Ximootiyoosi 4:13

Ne waan ta waammi wottoon, Yaafe Macaafoon ashich shemmoonaa ciicona, dojjoonoo kupphebe.

1 Ximootiyoosi 5:17

Kittinnee guuphi asheenaꞌon gaawichiꞌi yaabii qeejjiibeeti geeneenaꞌon gutte kishoon oogiyoo bede mooyone; beshoonoo Yeerichi qaaroon getonaa dojjoona yullee beetinaꞌon oogiyoo qaawiihe.

1 Ximootiyoosi 6:18

Gaawe shuunoon shuunebee, deꞌe shuunee gaannechon tunebote. Ittoshich beetoochee qoodoyich qannibote; kishoon maggiiree imbote.

Hibireena'o 10:25

Noonnaa noonna ikkoo baroon ciicalli, ikkikkeenaꞌo doyoo tuniiꞌi boonoshi qajjitoommon, ikkooch no kiceyoon qajjaayone; Doono Yesuusi wotteree woyemmi aabo katinnito tunoon shalligibee aafichoyee beshiiree ebin tuniibote.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

Hibireena'o 13:24

Ittoshin yaabii qeejjii beetinaꞌo bullinaa yaafeenaꞌo bullinoyich ta diggiyoon getote. Xaaliyaanee kittinneenaꞌo ittoshin diggiitinaꞌone.

Hibireena'o 13:7

Yeerichi qaaroon ittoshich gettiti, ittoshi yaabii qeejjechinaꞌon gabibote. Boonoshi beemi qocoon ciiniree, Yeeri toommooch boonoshi mullee tooꞌiyoommon, ebiyoommon ittoshiyoo boonoshin shaahibote.