Roomi 12:7 - Kafa Linguistics Project

⁷ Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.

Roomi 12:7 ပူးပေါင်းရင်းမြစ်များ

Shoddo 34:11

Ta bushiisheenaꞌote, waaree ta waanee ellebote; Doono Yeerin shaton ittoshich dojjemmo taane.

Shoddo 51:13

Tawoo ne gommon axaaxechinaꞌoyich dojjemmo taane; axaaxechinaꞌoo ne waan wottemminaꞌone.

Dojjecho 12:9

Dojjecho shalligechone; biyoo asheenaꞌoyich ariyoon dojjiye; kichii kindii yexiiꞌi meeti shaahiyeenaꞌon qanniihe.

Isiyaasi 21:8

Qayechoo ishichii cookiye “Ta doonocho, areddoo bullin dilaalooch neexaabeeto taane; xumo bullinoo ta quyee xaaꞌooch beeto taane.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 20:20

iitoonaa ittoshi kexi kexonooch ittoshich dojjaa ta beehooba, ittoshich deꞌo tunemmo bullin gettehoani ikkoonolla echiyaano taane.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

1 Qorontoosi 12:5

No shuuni shuunee qoco baribaroone; tunebaani no shuunaabeeti shuunee Doono ikkoone.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

Galaati 6:6

Yeerichi qaaroon waayeebeeto waayii beetona tookki gaawe mooyo bullin qoodeebe.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Yibbaatoo 33:10

Ne doyoon Yaaqobich, ne sheeroonoo Israꞌeelich dojjiyeete. Ne aafoochoo ixaanoon, ne deejjee gudoochoo amolla echeyaanoon micciibeeti deejjoon, deejjiyeete.

Qolaasiyaasi 4:17

Arikiphaasichoo “ ‘Ne shuunemmoyich Doono neech bi immiti maddoon ceechoyich ne qelloon ariibe’ itone” getote.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

1 Ximootiyoosi 3:2

Illa kittinnee guuphon yaabii qeejjiibeeti geeno tunemmi asho, gonde mooyona oonneyaano, ikke mechecho, dagg tato, bi qelloon quyecho, gaawe shuriyecho, iibboon iibbiibeeto, Yeerichi qaaroon dojjoon hakkito,

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

1 Ximootiyoosi 5:17

Kittinnee guuphi asheenaꞌon gaawichiꞌi yaabii qeejjiibeeti geeneenaꞌon gutte kishoon oogiyoo bede mooyone; beshoonoo Yeerichi qaaroon getonaa dojjoona yullee beetinaꞌon oogiyoo qaawiihe.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

2 Ximootiyoosi 2:24

Doono Yeerichi guuno, asho bullin shiimecho, Yeerichi qaaroon dojjoon hakkitonaa haaꞌiyechonalli, kaarechon tunaaye.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.