Roomi 12:3 - Kafa Linguistics Project

³ Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

Roomi 12:3 ပူးပေါင်းရင်းမြစ်များ

Shaahiyoo 25:27

Wodde eeyon mamo gaaweyaache; ebiyoommon wotta oogee qaawoo oogiyaache.

Shaahiyoo 26:12

“Mullecho taane” iꞌi gabiibeeti ashoon beeggaa beetine? Biyee tuushoyich beshe gibeno beete.

Dojjecho 7:16

Tuuri ne qitaachemmoyich oogeti cadiqoon, oogeti shalligechonoo tuneyaahine!

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 11:20

Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 3:10

Yeeri taach bi immiti wojjoona ariyechi gimbenyoo kexon hagga bi baashoommon baashito taane; baroo aree toommooch echeton ceechiya haggii beetone. Tunebaani haggiibeeto bi qelli qelloona aree toommooch aabichiree bi haggemmo gaata, bi qelloon ariibe.

1 Qorontoosi 7:17

Asho bi ikki ikkoona Doono biich immitoommon, Yeeri biin ceegiyoobee bi beemooch beebe. Kittinnee guuphinaꞌo bullich ta beshiiti geto ebine.

2 Qorontoosi 10:13

Tunebaani ittoshi beetooch no shaggemmi wottoonona, Yeeri nooch immiti shuunee daaroona geeciyonalli, beshaa beshoon geecaabeeto toono noone.

2 Qorontoosi 12:13

Ittoshi toommooch shaago tunee qayoyee beshetaa, bare kittinnee guuphinaꞌoyee ittoshin ta shappiito, amoonane? Ebi gondo tuneꞌi ittoshich bi bekkegaata, taan maaribote.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

Galaati 6:3

Ikke asho bareenaꞌoyee beshaanoon beebee bi qelloon beshoon shaahiꞌi bi ciinigaata, bi qellooniye bi dawushii beeto.

Efesooni 3:2

Yeeri ittoshich ta shuunemmoyich ebi maddee shuunoon bi wojjoona taach bi imon iberoon waayeto ittoshine.

Efesooni 3:4

Ebinoo ittoshi shemmegaata aaf aricheyaani, and Kiristoosi ceechiti, Yeerichi gaboon aabichaꞌa ta shalligaabeeto gaata ariyoon hakkiyote.

Efesooni 4:16

Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.

Qolaasiyaasi 1:29

Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.

Qolaasiyaasi 2:13

Ittoshiyoo wotta ittoshi xuꞌoona, wotta axaaxoo waan geechiibeeti ittoshi meechi shuriyoo dokiriyee qajji naboona, qititoommon tuneꞌi ittoshi beetaa, Yeeri Kiristoosina tookkii ittoshich kashoon immiye; ebi ittoshi xuꞌo bullinoo maariye.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

1 Ximootiyoosi 2:15

Tunebaani maachee bi mulloon Kiristoosi toommooch tooꞌiiꞌa, kittinneenaꞌon shunnaꞌa, dagg tate gaawe shuriyoona bi qelloon xallittinoona bi quyegaata, bushoon shimona wodemmine.

1 Ximootiyoosi 2:9

“Genneenaꞌo wotta yeelliyaani tate tahoon tahebeete” iyaꞌa daaggiyoye. “Yeerich no qelloon diiriito noone” ii beeti genneenaꞌoyich tato bi tunetoommon gaawe shuunoon shuunoonalli, tatoyee besheti qellee shippoona woyee aachoonaa bare aaxxe mooyona woyee aaxxoo tuneti tahoona boonoshi ashittinee shashiyoon daaggaache.

Titoosi 2:12

Ebi wojjoo axaaxee shuunoonaa hini showeexi mooyon qaatoonon qayiree, and hini yemeenooch no qellee quyoona, cadiqittinoonoo Yeerin oogiibeeti beemon no beeyemmoyich dojjii beetone.

Titoosi 2:2

Geene doonjeenaꞌo dagg tateenaꞌo, asho bullina naadeetinaꞌo, boonoshi qellee ariyechinaꞌo, Kiristoosi toommooch mullee tooꞌiyoonaa maneenaꞌon shunona, haaꞌiyoonoo kuppheenaꞌo boonoshi tunemmoyich ciice.

Titoosi 2:4

Ebin boonoshi tuniigaata, Yeerichi qaaro naakkeyaachemmoyich, gurimaashe genneenaꞌon dojjemminaꞌone; boonoshi dojjemmoo boonoshi keneenaꞌonaa boonoshi bushiisheenaꞌonon shunnii beetinaꞌo, boonoshi qellee ariyechinaꞌo, kiinaalli xalleenaꞌo, boonoshi kexooch shuunee beetinaꞌo, maaci deꞌeenaꞌo, boonoshi keneenaꞌoyich deꞌa ii beetinaꞌo boonoshi tunemmoyichiye.

Titoosi 2:6

Gurimaashe anaaminaꞌo ebiyoommon boonoshi qellee ariyechinaꞌo boonoshi tunemmoyich ciice.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

3 Yowannisi 1:9

Ebiyee aaf ne beetooch beeti kittinnee guuphi asheenaꞌoyich koorito taane; tunebaani bi qelloon ukkiriyoon qaawiibeeti Diyotrofesi no gaboon deꞌaache itone.