Roomi 12:2 - Kafa Linguistics Project

² Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 12:2 ပူးပေါင်းရင်းမြစ်များ

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Shoddo 119:103

Ne qaaro am shaahoon taach shaawiye! Eeyoyee beshoon ta kookkooch noocciye.

Shoddo 119:128

Ebich ne geteenaꞌo bullin dabbiyoye; koote gommo bullinoo shixxehoye.

Shoddo 119:174

Doono Yeero, ne wodiyoon sharaatehoye; ne sheeroo taan emirikkiye.

Shoddo 119:72

Dofee aachoonaa xure birewoonoyee, ne noonoochee kechiibeeti sheeroo taach beshoone.

Shoddo 119:97

Ne getoon am shaahoon shunnehote; heeyo bullin kichaa kindiyaa gabiyoye.

Shoddo 34:8

Doono Yeeri deꞌo bi tunoon ciiniree ariibote; bi shoobooch giyiti asho diireetone.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Keyo 23:2

“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maariqoosi 4:19

hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Yowannisi 15:19

Hini alemeexo ittoshi tuneto gaata, biicho tuneton shunneshone; tunebaani alemee daggoochee ittoshin kaacceto taane; ebich bi magecho toono ittoshine; ebichi naboonane alemo ittoshin bi shixxiibeeto.

Yowannisi 17:14

Ta ne qaaroon boonoshich immeto taane. Tawoo alemeexo ta tunee qayoommon, boonoshiyoo wotta tooneenaꞌone; ebich alemo boonoshin shixxitone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 7:12

Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.

Roomi 7:14

Sheeroo Yeerichi Ayaanoochee bi tunoon ariibeeto noone; tunebaani axaaxoyich hajjeya kechaꞌa meenon taheti asho taane.

Roomi 7:22

Maaci ta mulloona Yeerichi sheeroona emiraabeeto taane.

1 Qorontoosi 3:19

Hini alemeexi asho shalligoone iꞌi bi gabiibeeti mooyo Yeeri aafoochaa tuushittinoone. Ebiyoo “Yeeri shalligechinaꞌo getteetinaꞌon boonoshi acona boonoshin yechii beetone” getaa bi kooreetoommoniye.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Tasaloonqi 4:3

Yeerichi daaggoo shunee mamo bulliichee wokkiꞌi yaafittinoona ittoshi beemone.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

1 Pheexiroosi 1:18

Ittoshi qaabbechinaꞌo waanee ittoshi woraashiti duube beemoochee ittoshi biisheeto, birewoochoommon woyee aachoochoommon aallemmi mooyona tuneyaanoon, bachaalli xalle bagoommon tuneti, Kiristoosichi aaxxe damoona bi tunoon ariibeeto ittoshine.

1 Pheexiroosi 2:3

Yaafe Macaafooch bi kooreetoommon, “Doono Yeeri deꞌo bi tunoon ciinnii ariito ittoshine.”

1 Pheexiroosi 4:2

Illa ebiyee gubb meenona beemoyich biich echeti yemeenooch bi beeyemmo Yeerichi daaggoyichalli, bi meechi gonde qaatoyich hajjeeree toonoone.

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

2 Pheexiroosi 2:20

No Doononaa noon Wodiyechona tuneti Yesuus Kiristoosin ariiꞌi, hini alemee eeꞌe shuunoochee boonoshi kechitoyee gubb, wochinnoon are eeꞌe shuunoona olleeꞌi boonoshi yechegaata, aafi boonoshi beemoyee beshoon gubbi beemo sheeqqito tunemmone.

1 Yowannisi 3:13

Illa ta maneenaꞌote! Alemee asheenaꞌo ittoshin boonoshi shixigaata, ebin mooch haddiyaahote.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.