Roomi 12:19 - Kafa Linguistics Project

¹⁹ Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Roomi 12:19 ပူးပေါင်းရင်းမြစ်များ

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Shaahiyoo 24:29

“Taach bi shuunetoommon biich shuunemmo taane; bi shuunoon biich qoccemmo taane” gettaahine.

Erimiyaasi 51:36

Ebich Doono Yeeri ishichiye: “Ta ittoshi qoodoon taggemmo taane; ittoshi nichoonoo gaaccemmo taane; bi baharoon shuuꞌiyemmo taane; bi aachi xuupheenaꞌo shuuqqemmoyichoo tuniyemmo taane.

Hiziqeeli 25:12

“Nuggishoo Doono Yeeri ishichiye: ‘Edoomi Yihudee macceenaꞌochi toommooch nichoon bi gaaccitoyich, ebina xuꞌechon tunetone.

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Maatiyoosi 5:39

Tunebaani and ta waanee waayebote! Ittoshi toommooch gondoon shuuneebeeto toommooch nichoon kichiyaahote. Tunebaani ne qanne gaakkoon tappemmoyich yoochoon bajjaahine.

Roomi 12:14

Ittoshin duꞌii beetinaꞌon Yeeri diiremmoyich qollebotalli, uppaahote.

Roomi 12:17

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Roomi 13:4

Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.

Efesooni 4:27

Daabiloosichoo kelloon bekkiyaahote.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

2 Ximootiyoosi 4:14

Gooshukkoo Iskindiroosi oogichii taan xuqqitone; Doono bi shuunoon wochiree biich gaaccemmone.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.

1 Saameeli 25:33

Ashi damoon ta ukkaachemmoyich, wotta ta hajjee kishoona nichoon ta gaacaachemmoyich taan ne quyetoyich, ne gaawe gaboyich, newoo diireetin tunebe.

1 Saameeli 26:10

Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone.

1 Saameeli 26:11

Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.