Roomi 12:16 - Kafa Linguistics Project

¹⁶ Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Roomi 12:16 ပူးပေါင်းရင်းမြစ်များ

2 Kiinoo 30:12

Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

Iyoobi 36:5

“Yeeri giidechone; koninolla hoxeyaache; biyoo mullee shalligoona kupphoone.

Shaahiyoo 17:5

Girechon cooneebeeto biin Halliton naaggiye; ashi iriteyoona emiriibeeto, sheeroochee muricaachemmone.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Shaahiyoo 19:22

Ashi waanee qaaweebeeto gibeneyoone; koote asho tunoyee girecho tuno gaawiye.

Shaahiyoo 19:7

Girechon bi maneenaꞌo bulli shixxiyeete; ishigaata, bi nuucheenaꞌo am shaahoon biyee wokkeheete! Boonoshin dabbii bi ceeggitaanolla, nuuchoon daneyaache.

Shaahiyoo 26:12

“Mullecho taane” iꞌi gabiibeeti ashoon beeggaa beetine? Biyee tuushoyich beshe gibeno beete.

Shaahiyoo 26:5

“Mullecho taane” geti bi gabaachemmoyich, mullaalloyich bi tuushittinoommona wochibe!

Shaahiyoo 3:7

Mullechon tuniiree neen wochi ciinnaahine; Doono Yeerin shate; gondoocheenoo wohe.

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 45:5

Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 26:11

Girechinaꞌo bulli aaboon ittoshina tookkiiniye boonoshi beeto; tunetaa ta bulli aaboon ittoshina tookki beetaachemmo taane.

Luqaasi 14:13

Tunebaani gifiree maayoon ne qanniihooba, girechinaꞌon, kisha kuxeenaꞌonaa baata kuxeenaꞌonon, baata yesheenaꞌonaa aaf doogeenaꞌonon ataallibe.

Luqaasi 6:20

Yesuusi bi dabbeenaꞌon ciinniꞌi boonoshich ishichiye: “Hini girechinaꞌote, diireeto ittoshine; Yeerichi taatittine ittoshichine.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

Roomi 11:20

Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 12:3

Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

Roomi 15:5

Ikke mulloona tuneree ikke qaaroona no Doono Yesuus Kiristoosichi Nihoo Yeerin ittoshi oogiyemmoyich, haaꞌiyoonaa goggiyoona bi waan ceenniti Yeeri Kiristoos Yesuusichi qocoon dabbiree ittoshinaa ittoshina ikke mulloona ikkotteꞌi beemi hakkoon ittoshich imbe.

Roomi 6:2

Ciroona tuneyaache! Axaaxoyich qititi no, aabichireeshiye ebi axaaxoona no beeyemmo?

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

1 Qorontoosi 4:10

Kiristoosicha iyaꞌa tuushoo no tunetaa, ittoshi Kiristoosina mullecho tunehote; no niretaa, ittoshi kupphehote; no hoxeetaa, ittoshi naadeehote.

1 Qorontoosi 6:5

Ittoshin yeelliyaache? Kittinneenaꞌo daggoochee tiyiti taggoon nallemmi ikke shalligechi asho aabichiꞌi ittoshi daggooch aallehe?

1 Qorontoosi 8:2

Koniyoona “Ariyoo taach beetone” iꞌi bi gabigaata, are uro batt ibere ariyee xaaꞌooch shagaanoone;

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 3:16

Tunetaa ebiich beddaahaa noon bechiti are gommona hambone.

Filipphisiyoosi 4:2

Doono Yesuusina ikkoon tuneree ikke gaboona boonoshi shunemmoyich Ewoodinaa Sinxeekinon qollehoye.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.

3 Yowannisi 1:9

Ebiyee aaf ne beetooch beeti kittinnee guuphi asheenaꞌoyich koorito taane; tunebaani bi qelloon ukkiriyoon qaawiibeeti Diyotrofesi no gaboon deꞌaache itone.