Roomi 12:10 - Kafa Linguistics Project

¹⁰ Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Roomi 12:10 ပူးပေါင်းရင်းမြစ်များ

Halloo 13:9

Ne beeggaa beetoommon, showoo gaminoone. Ebich no barbarigaata, gaawiye. Yooche baddi showoon ne shunigaata, qanne badd hammemmo taane. Qanne baddi showoon ne shunigaata, yooche badd hammemmo taane” iye.

Iyoobi 1:4

Bi anaami bushiisheenaꞌo kaalli kaalloona boonoshi kexi kexooch gifiroon geddii beeheete. Boonoshina tookki boonoshi maa uchemmoyich keejje maache boonoshi maneenaꞌon arooch ataallii beeheete.

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Erimiyaasi 38:12

Aroochee Topphiyee asho Ebeedmeleeki Erimiyaasich ishichiye: “Ebi geene butoonaa kuxe tahoonon ne shoopphoonaa woderoonochi gutte daggooch gede” iye; Erimiyaasiyoo geddiye.

Maatiyoosi 20:26

Tunetaa ittoshi daggooch ebiyoommon tunaaye. Ittoshi daggoochee koniyoona ‘Oogoo tunebona’ ito, wochee bushoochoommon ittoshich shuunebe.

Luqaasi 14:10

Ebich asho neen gifirooch bi ataalli gaata, hini are neen ataalliti uro waaꞌi, ‘Ta xiboocho; damba ebiich hami kotebe’ getiree bi ataallemmoyich hami desh qach kotebe. Arooba neenna tookkii kotetinaꞌo bulli aafoochaa oogemmo neene.

Yowannisi 15:17

Illa ittoshinaa ittoshina shunebote. Tuniibote iyaꞌa ittoshich ta gettaabeeto ebine” iye.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

Roomi 13:7

Bullich tun bedoon tuniibote; gibiro echemmoyich gibiroon, qaraxo echemmoyich qaraxoon qocote; shatteya bedoon shatote; oog bedoon oogiibote.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

1 Tasaloonqi 4:9

Ittoshinaa ittoshina shuneechon ittoshi qelloona Yeer waanee ariito ittoshine; ebich manaamanoochoommon ittoshi shunemmoyich koniyoona ittoshich koorii arichiyoo qaawiyaache.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

Hibireena'o 13:1

Ittoshinaa ittoshina manaamanoochoommon shunoona beebote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 4:11

Illa ta shunechinaꞌote! Yeeri eechiꞌi noon bi shunnitoyee, noonnaa noonna shuno nooch qaawiihe.

1 Yowannisi 4:20

Koniyoona “Yeerin shunnaabeeto taane” iibee bi manoon bi shixigaata, koottitone; bi beeggiti bi manoon shunaano, bi beegaani Yeerin shunon aabichiree hakkehe?