Roomi 12:1 - Kafa Linguistics Project

¹ Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 12:1 ပူးပေါင်းရင်းမြစ်များ

Shoddo 116:12

Taach bi tuniiti gaawe mooyo bullich, Doono Yeerich amoon gaacote?

Shoddo 19:14

Taach Deebe Xaqqoonaa taan Biishee Wodiyechona tuneti Doono Yeero, ta yibbaatoonaa ta mullee gaboona neen emirikkibe.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Haddoo 7:21

micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

Luqaasi 7:47

Ebich neech gettoye: Ceeni bi mulloona taan shunnetine; ebina bi toommooch beeti meeti axaaxoyich maaroon danetine; tunebaani giisheche axaaxoyich maaroon daneti asho giishechooniye bi shunniibeeto” iye.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 15:30

Illa ta maneenaꞌote! Taach Yeer waan corootibee, taanna tookki ta qiiccaabeeti qiiccoommon ittoshi qiiccemmoyich, Doono Yesuus Kiristoosinaa Yaafe Ayaano immiibeeti shunoona ittoshin qollaabeeto taane.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

Roomi 9:23

Bi oogee yiiroochee boonoshi qoodeyemmoyich shiichiꞌi bi qanniiti, bi ariqqeti qiiceenaꞌo toommooch worganikkiti bi oogee yiiroon bekkiiya shunniye.

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Tasaloonqi 4:10

Ebiyoommon Makidoonee showoo bulliich beeti kittinnee maneenaꞌon shunniibeeto ittoshine. Illa ta maneenaꞌote! Ittoshin no qollaabeeto, aafichoyee beshoon ebin ittoshi tuniyemmonaa

1 Tasaloonqi 5:12

No maneenaꞌote! Ittoshi daggooch beechii aajjii shuunee beetinaꞌon, Doono Yesuusichi gommona ittoshin yaabii beetinaꞌon, ittoshin kaaree ciiccii beetinaꞌonoo ittoshi ariyemmoyich, boonoshi shuuneebeeti shuunoo bullich shunoona beshaa beshiiree boonoshin ittoshi oogiyemmoyich ittoshin qollaabeeto noone. Ittoshinaa ittoshinoo diggoona beebote.

1 Ximootiyoosi 2:3

Ebiyoo asho bulli iberoon ariiree bi wodemmoyich shunniibeeti, noon Wodiyechi Yeeri aafoochaa gaawetonaa biin emirikkiibeeti mooyonane.

1 Ximootiyoosi 5:4

Xuumee tuneti ureyich bushoo woyee bushaa bushiishoo beegaata, are bushiisheenaꞌo Yeerin boonoshi oogiyoon shiichiꞌi boonoshi kechi asheenaꞌoyich bekkiyoonaa boonoshi indeenaa nihoonoyich keree gaaconon doyibeete. Ebi Yeeri aafoochaa shucheti mooyone.

Filimooni 1:10

Hini cuyee kexooch beechaa ta shiyeti ta bushoo Anaasimoosichon neen qollaabeeto taane.

Filimooni 1:9

geeno tuneti ta Phawuloosi, andoo wotta Kiristoos Yesuusichi qaaroon ta getti naboona cucheto, neen ta shunnaa beetoyich neen qollehoye.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

1 Pheexiroosi 2:20

Ittoshi shuuneti axaaxoyich yexxeebee ittoshi haaꞌiigaata, amee naadoon danehote? Tunebaani gaawe mooyon shuuneechii xuuxoon beeggiibee ittoshi haaꞌiigaata, ebi mooyo Yeeri aafoochaa ittoshin galletiyemmone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.