Roomi 11:4 - Kafa Linguistics Project

⁴ Tunebaani Yeeri ama iiniye bi wochito? “Baꞌaaloyich goyinneyaani shabaatte hume asheenaꞌon taach echiito taane” iye.

Roomi 11:4 ပူးပေါင်းရင်းမြစ်များ

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 19:18

Tawoo Israꞌeeleenaꞌo daggoochee shabaatte hume asheenaꞌon taach echiyemmo taane. Eboshi bulliyoo Baꞌaaloyich goyinneyaani, boonoshi noonoonoo Baꞌaaloochi shahalloon shumaani asheenaꞌone” iye.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Erimiyaasi 19:5

boonoshich ta getaanoon, ta yibbaateyaanoon, ta mulloonoo ta gabaanoon, micciibeeti deejjoon tuniiꞌi Baꞌaaloyich boonoshi bushiisheenaꞌon michoyich, geppeexi goyinnee xaaꞌeenaꞌon boonoshi shuunetoyich,

Hosee'i 13:1

Efreemi yoodo yibbaatemmona bare yoodeenaꞌo shattii qewee beeheete. Biyoo Israꞌeelee showooch arichetone. Tunebaani Baꞌaaloyich goyinnoona xuꞌecho tuneꞌi qitiye.

Hosee'i 2:8

Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.

Sofoniyaasi 1:4

“Yerusaalemi asheenaꞌonaa Yihudee asheenaꞌo bullinoyich ta mochoon bekkiyemmo taane. Baꞌaaloyich goyinneebeeti asheenaꞌon curooch beddaahaa aalliyemmo taane; ebi nuggishoyich maddeebeeti qeesheenaꞌon ta aalliitaa boonoshi shigo batteyemmone.

Haddoo 25:3

Ebina Israꞌeeleenaꞌo Baꞌaal Feꞌoorich goyinneheete. Ebich Doono Yeeri kaaro boonoshi toommooch aaxxehe.

Yibbaatoo 4:3

“Doono Yeeri Baꞌaal Feꞌoori guudoochaa amoon bi tuniito gaata ittoshi aafoona beeggito ittoshine. Biyoo ebi aroochaa ittoshi daggoochee Baꞌaalo getteebeeti nuggishoyich goyinnee maddetinaꞌo bullin wuxii aalliitone.

Woraaferasheenaꞌo 2:13

Doono Yeerin qajjiꞌi Baꞌaaleenaꞌonaa Ashitarooteenaꞌonoyich goyinneheete.