Roomi 11:36 - Kafa Linguistics Project

³⁶ Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

Roomi 11:36 ပူးပေါင်းရင်းမြစ်များ

Shoddo 115:1

Nooch tuneyaanoon, Doono Yeero, nooch tuneyaanoon, ne shoodoonaa ne gibeneyoonoyich, ne shigoyich oogo tunebe.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shaahiyoo 16:4

Doono Yeeri halliti mooyo bulli nabechone; biyoo gondeenaꞌon aallee aaboyich qanniitone.

Isiyaasi 42:12

Doono Yeerinoo oogiibeete; bi galletoonoo baharee gashoonaa buure showoonoochaa awaajjibeete.

Daaneeli 4:3

Bi tuniiti worganikkiti malletoo am shaahoon oogetone! Bi shuuneti gaakkechi shuunoo am shaahoon giidechone! Bi taatittino bulli yemeenee taatittinoone; bi hajjemmoo, shiijjeroochee shiijjerooch beddaahaane.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Luqaasi 19:38

“Doono Yeerichi shigoona waabeeti taatoo diireebe! Shimaayooch diggoo, shimaajji shimaayooch beeti Yeerich oogee yiiroo, tunebe!” ii beeheete.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

Mishiraachechinaꞌo 17:28

‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.

Roomi 16:27

bi ikkeeto baach ariyecho tuneti Yeerich Yesuus Kiristoosina bulli yemeenoon oogee yiiroo tunebe. Ameena.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Galaati 1:5

Nihoo Yeerich bulli yemeenoon oogee yiiroo tunebe. Ameena.

Efesooni 3:21

shiijjereenaꞌo bulliich beddaahaa kittinnee guuphonaa Kiristoos Yesuusina waanee bulli yemeenoon oogee yiiroo tunebe. Ameena.

Filipphisiyoosi 4:20

No Nuggishoo tuneti Nihoo Yeerich bulli yemeenoon oogee yiiroo tunebe. Ameena.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 5:11

Biichoo bulli yemeenoon giidoo tunebe. Ameena.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yaaꞌoo 19:1

Aroyee gubb dofee ashi qaaroommi ooge qaaro shimaayoochaa ishichii bi beetaa waayeho: “Haleluya! Wodiyoo, oogee yiiroonaa giidoona no Nuggishoochone.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 7:10

Oogeti qaaroona cookiibee, “Wodiyoo, taatee qeenooch koteti no Nuggishoochonaa Bagoochonane” iyeete.

Yaaꞌoo 7:12

“Ameena, galleto, oogee yiiroo, shalligoo, naadoo, oogo, giidoonaa hakkoona bulli yemeenoon no Nuggishoyich tunebe. Ameena” iyeete.