Roomi 11:25 - Kafa Linguistics Project

²⁵ Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 11:25 ပူးပေါင်းရင်းမြစ်များ

Shoddo 107:43

Ariyecho tuneto bulli ebi mooyon gabibe; Doono Yeerichi shoodoon shalligibe.

Shoddo 127:1

Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shaahiyoo 26:12

“Mullecho taane” iꞌi gabiibeeti ashoon beeggaa beetine? Biyee tuushoyich beshe gibeno beete.

Shaahiyoo 26:16

Kaachiꞌi wochiibeeti shabaatte asheenaꞌoyee, beshe mullechon tuniiꞌi yeexeroo biin ciinniye.

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Roomi 1:13

Ta maneenaꞌote! Bare Aageteenaꞌo daggooch tunetoommon, ittoshi daggooch beeti asheenaꞌo wotta ta gommona Kiristoosin boonoshi danemmoyich, wodde wottoon ittoshi waan woya ta gaboon, tunebaani and beddaahaa womoyich hakkee ta qayon ittoshi ariyemmoyich shunnoye.

Roomi 11:12

Israꞌeeleenaꞌochi xuꞌo alemoyich wojjoon, boonoshi dihoo Aageteenaꞌoyich wojjoon daniyemmo bi tunegaata, wotta Israꞌeeleenaꞌo bulli Yeer waan boonoshi wotto am shaahoon ebiyee beshe wojjoon tunehe?

Roomi 11:24

Yeeri neen kubbooch beeti zayitee mixoochee kuxxii deebiꞌi, neen shaahaani magi bechee zayitee michi daggooch geddiꞌi bi xaaqqitoyee, are magi bechoochee xooꞌeti ateenaꞌon aafi boonoshi xaaꞌooch giijjiꞌi xaaqqoo beshoon biich ketteyaachehe?

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

1 Qorontoosi 10:1

Ta maneenaꞌote! Ebin ittoshi tuushoon shunaache. No qaabbechinaꞌo bulli quboona yiireebee Ceelle baharee aacon kimmiyeete.

1 Qorontoosi 12:1

Illa ta maneenaꞌote! Yaafe Ayaano immiibeeti wojjoon ittoshi ariyemmoyich qaawaabeeto taane.

1 Qorontoosi 2:7

Hini shalligoo Yeerichi maacee mooyone; Yeeri yemeeno bulliyee aaf “Hini shalligoona oogee yiiroon boonoshich immemmo taane” iꞌi nooch gabiꞌi bi kotiiti yemeenoochee tiijjiꞌi hanaach beddaahaa, aacheeti mooyone.

1 Qorontoosi 4:1

Kiristoosichi maddechonaa Yeerichi maacee mooyon gaxxaꞌa gettaa bechaabeeti bi yakkirechona no tunoon asho bulli gabibe.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 4:18

Boonoshi tuushoonaa mullee muumoonoochee tiyitona boonoshi mullo kaappehe; ebich boonoshiyoo Yeer waanee daneebeeti andire kashoochee wokkiyeete.

2 Pheexiroosi 3:8

Ta shunechinaꞌote! Ittoshi hini ikke mooyon batteyaahote: Doono Yeer waanaa ikke qemo hume natoommo, hume natoo ikke qemoommone.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.