Roomi 11:20 - Kafa Linguistics Project

²⁰ Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine.

Roomi 11:20 ပူးပေါင်းရင်းမြစ်များ

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shaahiyoo 28:14

Bulli aaboon Doono Yeerin shattiibeeto diireetone; tunebaani mulli manjoo iritee toommooch dihemmone.

Shaahiyoo 28:26

Bi qelloon gibeneebeeti asho mullaalloone; tunebaani shalligoona shaaddeebeeto wodemmone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.

Roomi 11:18

Ebich xooꞌeti ateenaꞌo toommooch geeciyaahine; ne geecemmi naboo aalloone. Neen shaaggii yechiꞌi beeto xepphoani, xepphoon shaaggaa yechaabeeto ne toono neene.

Roomi 11:21

Yeeri shiichiꞌi beeti ateenaꞌoyich ariqqeyaano bi tunegaata, neechoo wotta ariqqeyaachemmone.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Roomi 12:3

Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

Roomi 3:3

Illa boonoshi daggoochee ikkikkeenaꞌo Yeeri toommooch mulloon tooꞌiyaaneenaꞌo boonoshi beegaatochi, boonoshi mullee tooꞌiyee qayo Yeerichi gibeneyoon echiyehe?

1 Qorontoosi 10:12

Ebich “Kupphaꞌa neexaabeeto taane” ii beeto bulli bi dihaachemmoyich, bi qelloon ariibe.

1 Qorontoosi 15:1

Ta maneenaꞌote! Ittoshich ta getaa waayeꞌi ittoshi iberiiti, aroona ittoshi neexeti mishiraachee qaaroon ittoshich shalligichiyoye.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Qolaasiyaasi 2:7

biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.

Hibireena'o 3:19

Illa Yeeri toommooch mulloon tooꞌiyoon boonoshi qajjitoyich, Yeeri imma bi gabiti showooch gimon hakkaaneenaꞌo boonoshi tunoon beeggehone.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Hibireena'o 4:6

Illa shiichiꞌi mishiraachee qaaro boonoshich getaa waayetinaꞌo deꞌa getaache boonoshi itoyich, are boonoshi kashemmoyich Yeeri imma gabiti xaaꞌooch giyaaneenaꞌone; tunebaani arooch boonoshi giyemmoyich Yeeri daaggiti ikkikkeenaꞌo beetinaꞌone.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

1 Pheexiroosi 5:9

Showee toommooch beeti kittinnee ittoshi maneenaꞌo ebiyoommi xuuxo bullin beeggii beetinaꞌo boonoshi tunoon ariiree, ittoshi mullee tooꞌiyoona manjiree, biin koyebote.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.