Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roomi 10:17 - Kafa Linguistics Project

17 Illa Kiristoosi toommooch mullee tooꞌiyoo daneebeeto, Kiristoosichon getaa waayoonane.

အခန်းကိုကြည့်ပါ။ ကော်ပီ




Roomi 10:17
24 ပူးပေါင်းရင်းမြစ်များ  

Neen ta ariyaabeeto, ashi waanee ta waayetona baachiye; tunebaani and ta aafoona neen beeggeto taane.


Wotta Yesuusi boonoshich ishichiye: “Elleree waayebote; ashich ittoshi qeellee (shafirii) beetoommon Yeeri wochiree ittoshich qeellemmone; beshoon daakkiree ittoshich immemmone.


Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.


Yesuusi daakkiꞌi ishichiye: “Yaree shookkechochi shaahiyoo ebine: Yaroo Yeerichi qaaroone.


Yesuusiyoo wochiꞌi, “Ta indeenaa ta maneenaꞌona Yeerichi qaaroon waayeꞌi ceechii beetinaꞌone” iye.


Gutte bi dabbeenaꞌo Yowannisi ishichoon waayeꞌi Yesuusin dabbii hammiyeete.


Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.


Illa bi toommooch mulloon tooꞌiyaaneenaꞌo aabichiree ceeggeheete? Biichon getaa waayeyaanoon aabichiree boonoshi mulloon bi toommooch tooꞌiyeheete? Gettecho aalloon aabichiree waayeheete?


Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.


Ebin baach ittoshi waanee ariyoyich qaawiyoye: Yaafe Ayaanoon ittoshi daneto, sheeroon ceechii ittoshi quyoonanee mishiraachee qaaroon waayee Yesuus Kiristoosi toommooch mulloon ittoshi tooꞌiyoonane?


Yeeri bi Yaafe Ayaanoon bi immii beetonaa ittoshi daggooch gaakkechi mooyon bi shuunee beetona, sheeroon ceechii ittoshi quyoonanee mishiraachee qaaroon waayeꞌi Yesuus Kiristoosi toommooch mulloon ittoshi tooꞌiyoonane?


Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.


Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.


Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.


Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ