Roomi 1:7 - Kafa Linguistics Project

⁷ Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 1:7 ပူးပေါင်းရင်းမြစ်များ

Shoddo 60:5

Ne shunnaabeeti asheenaꞌo wodemmoyich, ne qanne mochoona nooch wudoon daniibe; no corootoon waayebe.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Haddoo 6:25

Doono Yeeri bire aafoona neen ciine; neech ariqqebe;

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 9:13

Tunetaa Hanaani wochiꞌi, “Ta Doonocho, hini uro Yerusaalem beeti yaafeeti ne asheenaꞌo toommooch ambiche gondoon bi shuuneto gaata meeti asheenaꞌo waanee waayeto taane;

Roomi 1:6

Ebi aageteenaꞌo daggoochee ittoshiyoo wotta Yesuus Kiristoosicho ittoshi tunemmoyich ceekketo ittoshine.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:39

shimaayoyee damba beeto bi tunetaa, showoyee dech beetoo bi tunetaa, bare hallolla bi tunetaa, Kiristoos Yesuusi no Doonona Yeerinaa noonna daggooch beeti shunoochee noon bariyemmi ikke mooyolla aallo bi tunoon xiishaa ariito taane.

Roomi 9:25

Ebiyoommon wotta keemechi Hoseeꞌichi Macaafoochaa Yeeri, “Ta macceenaꞌo tuneyaaneenaꞌon ‘Ta macceenaꞌo’ getiree ceeggemmo taane; ta shunaani asheenaꞌon ‘Ta shunnetinaꞌo’ getiree ceeggemmo taane.

1 Qorontoosi 1:24

Tunebaani Yeeri ceeggitinaꞌoyich, Ayihudeenaꞌo tunebeeta Giriikeenaꞌo, Kiristoosi Yeerichi giidoonaa Yeerichi shalligoonane.

1 Qorontoosi 16:23

Doono Yesuusichi wojjoo ittoshina tookki tunebe.

2 Qorontoosi 13:14

Doono Yesuus Kiristoosichi wojjoo, Yeerichi shuno, Yaafe Ayaanee ikkittinoo ittoshi bullina tookki tunebe.

Galaati 6:18

Ta maneenaꞌote! No Doono Yesuus Kiristoosichi wojjoo ittoshina tookki tunebe. Ameena.

Efesooni 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Efesooni 6:23

Nihoo Yeerinaa Doono Yesuus Kiristoosina waanee daneebeeti diggoonaa shunoona, Yeeri toommooch mullee tooꞌiyoona tookki kittinnee maneenaꞌoyich tunebe;

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Filipphisiyoosi 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Filipphisiyoosi 4:20

No Nuggishoo tuneti Nihoo Yeerich bulli yemeenoon oogee yiiroo tunebe. Ameena.

Filipphisiyoosi 4:23

Doono Yesuus Kiristoosichi wojjoo ittoshi bullina tookki tunebe. [Ameena.]

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

1 Tasaloonqi 1:1

Phawuloosi, Sillaasinaa Ximootiyoosina waanee, Nihoo Yeerichonaa Doono Yesuus Kiristoosichona tuneti, Tasaloonqi kittinnee guuphoyich: Yeerichi wojjoonaa diggoona ittoshich tunebe.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Tasaloonqi 1:4

Yeerina shucheti no maneenaꞌote! Biicho ittoshi tunemmoyich Yeeri ittoshin bi kaacon ariito noone.

1 Tasaloonqi 4:7

Yeeri noon bi ceeggito, yaafittinoona no beeyemmoyichalli, eeꞌe mooyon no shuunemmoyich toonoone.

1 Tasaloonqi 5:28

No Doono Yesuus Kiristoosichi wojjoo ittoshina tookki tunebe.

2 Tasaloonqi 1:2

Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

2 Tasaloonqi 3:16

Diggoon immiibeeti Doono Yesuus Kiristoosi bi qelloona bulli gommona bulli aaboon diggoon ittoshich imbe. Doono Yesuus Kiristoosi ittoshi bullina tookki tunebe!

2 Tasaloonqi 3:18

No Doono Yesuus Kiristoosichi wojjoo ittoshi bullina tookki tunebe.

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

1 Ximootiyoosi 6:2

Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

2 Ximootiyoosi 1:2

Ta shunnaabeeti ta bushoo Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

2 Ximootiyoosi 4:22

Doono Yesuus Kiristoosi neenna tookki tunebe. Yeerichi wojjoo ittoshi bullina tookki tunebe.

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Filimooni 1:25

No Doono Yesuus Kiristoosichi wojjoo ittoshina tookki tunebe.

Filimooni 1:3

No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 1:15

“Ta, yaafoo taane; ebich ittoshi yaafeeton tunebote” getaa Yaafe Macaafooch bi kooreetoyich, ittoshin ceeggiti Yeeri yaafoo bi tunetoommon, ittoshi wotta ittoshi beemi qoco bullina yaafeeton tunebote.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

2 Yowannisi 1:3

Nihoo Yeerinaa bi Bushoo Yesuus Kiristoosina waanee wojjoo, ariqqoonaa diggoona, iberoonaa shunoona tookki nooch tunemmone.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye:

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:29

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 22:21

Doono Yesuusichi wojjoo ittoshi bullina tookki tunebe.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:22

Yaafe Ayaano kittinnee guuphinaꞌoyich gettii beeton waayeebeeti waajjecho waayebe” iye.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: