Roomi 1:30 - Kafa Linguistics Project

³⁰ oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 1:30 ပူးပေါင်းရင်းမြစ်များ

1 Taateenaꞌo 20:11

Israꞌeelee taatoo wochiꞌi, “ ‘Koyooch cuyeꞌi kechiibeeti asho kochii wochitochoommon, gokkaaye’ getiree biich getote” iye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 25:19

‘Edoomin kocheto taane’ iyaꞌa ne mulloona geecito neene. Illa and ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 106:39

Boonoshi shuunoona eeꞌeꞌi, Doono Yeerich gibeneyaaneenaꞌo tuneheete.

Shoddo 49:6

Boonoshi gaannoon gibeneebeeti asheenaꞌoyich, boonoshi gijjoonoo yebeneebeeti gaannechinaꞌoyich, ta shattemmo amoyichiye?

Shoddo 5:5

Geecechinaꞌo ne aafooch neexeyaacheete; gondoon shuunechinaꞌo bullin shixxehine.

Shoddo 52:1

Giidechocho, ne gonde mooyona ne yebeneebeeto amoyichiye? Yeerichi shoodo bulli aabeecho bi tunoon ariibe.

Shoddo 81:15

Taan shixxii beetinaꞌo taan shati yitteshinaꞌone; bulli yemeenoon naxeyeshinaꞌone.

Shoddo 94:4

Cennee yibbaatoon yibbaateheete; gondeenaꞌo bulli geeciyeete.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Shoddo 99:8

No Nuggishoo Doono Yeero, boonoshi corootoon waayehine; boonoshich maarechi Nuggishoon tunehine; tunebaani boonoshi gonde shuunee nichoon gaaccehine.

Shaahiyoo 24:8

Gondoon tuniiya gabiibeeto, marecho getaa ceekkemmone.

Shaahiyoo 25:23

Dambi-waani yongo amiyon deebiye; oonnechi heciyoo asho ippemmoyich tuniihe.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Dojjecho 7:29

Ikke mooyon baach ariiho: Yeeri asheenaꞌon kaamoo tuniiꞌi halliye; tunebaani asheenaꞌo wodde acon qaawiyeete” iye.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Haddoo 10:35

Muusi, taabooto tiyii qaxirimmona “Doono Yeero, tibe; ne etteenaꞌo shacebeete; ne shixechinaꞌo ne aafoochee aallebeete” ii beehe.

Maatiyoosi 15:4

Yeeri ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Luqaasi 21:16

Ittoshi nihoonaa indeena, maneenaꞌo, xibeenaꞌo ittoshi shunechinaꞌolla ittoshi toommooch nallemminaꞌoyich beshiiree ittoshin immemminaꞌone; boonoshiyoo ittoshi daggoochee ikkikkeenaꞌon wuxiyemminaꞌone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Mishiraachechinaꞌo 5:36

Ebiyee aaf Tiyodaasi getteebeeti uro ‘Ta oogoo taane’ iꞌi bi tiyaa, awudde ball bede asheenaꞌo biinna tookkii ikkotteheete. Tunetaa hini are uro ashi kishoona qitiye; biinna tookkii ikkottetinaꞌo bulliyoo shacee aalleheete; mooyoo duubee echehe.

Roomi 2:17

Ayihudo ne getteegaata, Muusichi Sheeroona ne degee gaata, Yeerinoo ne geeci gaata,

Roomi 2:23

Sheeroona geecaa beetocho, are sheeroon shaaddaꞌa Yeerin giishiinne?

Roomi 3:27

Illa asho geecemmi mooyo aaye? Echetone. Amee naboona? Muusichi Sheeroon ceechoonane? Toonoone. Yesuus Kiristoosi toommooch mullee tooꞌiyoonane.

2 Qorontoosi 10:15

Ebich nooch icheti daaroyee beshaꞌa bareenaꞌo aajjitona beshaa beshoon geecaachone; ebiyee Kiristoosi toommooch ittoshich beeti mullee tooꞌiyoo diccimmona, ittoshi daggooch beeti no shuunee daaro beshoon gabini hammemmo bi tunoon gibenehone.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

2 Ximootiyoosi 3:2

Asheenaꞌo boonoshi qelloon shunnii beetinaꞌo tunemminaꞌone; gijje shuneenaꞌo, naadeyechinaꞌo, geecechinaꞌo, naagechinaꞌo, boonoshi nihoonaa indeenoyich deꞌa getaaneenaꞌo, galleteyaaneenaꞌo, yaafe mooyon eeꞌii beetinaꞌo,

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

Yaaqobi 3:5

Ebiyoommon wotta heciyee giisheche quume tunaachaa ogooge mooyinaꞌon bi tuniyoona geecaa beetine. Giisheche qaaqqee am shaahe oogeti kubboon bi michaabeeto gaata shalligibote.

Yaaqobi 4:16

Tunetaa and ittoshi qelloon oogiibee geeciibeeto ittoshine; ebiyoommi geecee yibbaatoo bulli gondoone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.