Roomi 1:23 - Kafa Linguistics Project

²³ Oogee yiirechi bulli yemeenee Nuggishoyich goyinnemmon qajjiichii, qitemmi asheenaꞌochi, yoobbereenaꞌochi, gijjeenaꞌonaa kubbi cooxinaꞌonochi, yuummereenaꞌochi shahalloon boonoshi kishoona shuuneꞌi eboshich goyinneheete.

Roomi 1:23 ပူးပေါင်းရင်းမြစ်များ

Shoddo 106:20

Yeerichi oogee yiiroon, mocoon maabeeti gubbenoochi misiloona shaddiyeete.

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Isiyaasi 44:13

Anaaxoo mixon woderoona qeellehe; koppoona kooriꞌi boꞌoon kichiye; tachee qiicoona tachiye; ashi shaahoonaa ashi malletoommona tuniiꞌi kexooch kotiihe.

Erimiyaasi 2:11

Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.

Hiziqeeli 8:10

Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete;

Mishiraachechinaꞌo 10:12

Are qiicee daggooch awudde baatechi kechi gijjoo, kubbi cooxo, yuummereenaꞌonaa shimaajji kafeenaꞌona beetinaꞌone.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Roomi 1:25

Ebiyoo Yeerichi iberoon kootoona boonoshi shadditonaa Hallito beetaa halleetoyich boonoshi goyinnee maddetonoyichiye. Halliti Yeeri bulli yemeenoon galleteetone. Ameena.

1 Qorontoosi 12:2

Ebiyee aaf Yeerin ariyaano ittoshi beehooba, gasheeꞌi kashaalli shahalleenaꞌo waan oriheebee ittoshi echoon tuushaano ittoshine.

Yibbaatoo 5:8

“ ‘Damba shimaayooch, desh showooch, showoyee deshi aacooch beeti mooyoochee amee shaahoonona shuuneeti shahalloochi misiloon neech shuuneyaahine.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;