Roomi 1:20 - Kafa Linguistics Project

²⁰ Yeeri alemoon bi hallitoochee tiijjiꞌi bekkeyaani bi mooyinaꞌo, eboshiyoo bulli yemeenee bi giidoonaa bi nuggishittinoona, bi halliti mooyinaꞌoochee aricheꞌi asheenaꞌoyich xalla bekkee beetinaꞌone; ebich boonoshi wochemmi noonoo boonoshich aalloone.

Roomi 1:20 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

Iyoobi 12:7

“Eke gijjeenaꞌon echebe; neech dojjemminaꞌone. Shimaajji gaceenaꞌon echebe; neech gettemminaꞌone.

Shoddo 104:31

Doono Yeerichi oogo bulli yemeenoon manji beebe; Doono Yeeri bi shuunoona emiribe.

Shoddo 104:5

Showoon bi tuugee toommooch manjiihine; ebich ciroona shuuraache.

Shoddo 119:90

Ne gibeneyoo shiijjeroo bulliich beddaahaane; showoon hecceto neene; aroo manjiree beeyemmone.

Shoddo 139:13

Ebiyoo ta ashittinoon, ne hallitoyich, ta indee maacooch taan koccaꞌa ne shuunetoyichiye.

Shoddo 8:3

Ne halliti, shimaayoon ta beeggemmona, boonoshi xaaꞌi xaaꞌooch ne kotiiti ageneenaa xojjeneenaꞌonon ta beeggemmona,

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 51:15

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Maariqoosi 10:6

Tunebaani Yeeri shiichiꞌi showoonaa shimaayoonon bi halliyooba, ashoon anaamonaa maacheenon tuniiꞌi halliye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 15:22

Ta waaꞌa boonoshich getaan gaata, boonoshich axaaxoo tuneyaacheshone; tunetaa and boonoshi shuuneti axaaxee naboyich boonoshi wochemmi noonoo aalloone.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Mishiraachechinaꞌo 22:1

“Ta maneenaꞌonaa ta niheenaꞌonote! And hini ta taggaabeeti taggeechon ittoshich ta getaa elle waayebote” iye.

Roomi 1:19

Ebiyoo Yeeri bi qelloona boonoshich bi bekkiitoyich, asheenaꞌo ariyoo boonoshi hakkimmi Yeerichi mooyo xalla boonoshich bi bekkee beetoyichiye.

Roomi 2:1

Hini ashoocho, baroo toommooch nallaa beetine? Amee asholla ne tunegaata, ne dametemmi gommo aalloone. Bare asho tuniibeeti mooyinaꞌon ne, ne qelloona tuniyaa ne beetoyich, ne toommooch wochaa nallaabeeto neene.

Roomi 2:15

Boonoshi gaboo boonoshin bi taggetaa woyee deggitaa, boonoshi mullo boonoshin ittibatee beetone. Ebich sheerooch kooreeto boonoshi mullooch kooreeto bi tunoon boonoshi qoco bekkii beetone.

1 Qorontoosi 1:20

Illa shalligecho aaye? Muusichi Sheeree dojjecho aaye? Hini yemeenee ariyechi gajjiteyecho aaye? Yeeri alemee shalligoon tuushoo tuniyaanoone?

Yibbaatoo 33:27

Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!