Roomi 1:17 - Kafa Linguistics Project

¹⁷ Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 1:17 ပူးပေါင်းရင်းမြစ်များ

Hiziqeeli 18:9

ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Haddoo 21:9

Muusiyoo dingeroon gooshoochee shuuneꞌi mixooch yooddiye. Dingero qoppiti asho bulli ebi gooshoochee shuuneeti dingeroon ciinniꞌi wodii beehe.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Roomi 3:21

Tunebaani and Muusichi Sheeroonaa keemechinaꞌona miixeeti, Yeer waanee daneebeeti cadiqoo bekketone; ebi cadiqoo Muusichi Sheeroon ceechii quyoona danemmo toonoone.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 3:3

Illa boonoshi daggoochee ikkikkeenaꞌo Yeeri toommooch mulloon tooꞌiyaaneenaꞌo boonoshi beegaatochi, boonoshi mullee tooꞌiyee qayo Yeerichi gibeneyoon echiyehe?

Roomi 9:30

Illa ama gettehone? Cadiqoon dabbaani Aageteenaꞌo cadiqiyeete; boonoshi cadiqitoo Yeeri toommooch mulloon tooꞌiyoonane.

2 Qorontoosi 3:9

Asheenaꞌo toommooch naxoon deebiibeeti maddoo ebi shaahe oogee yiirecho bi tunegaata, asheenaꞌon cadiqiibeeti maddoo am shaahe beshe oogee yiirecho tunehe?

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:11

“Yeeri toommooch mulloon tooꞌiyoona cadiqito kashecho tuneree beeyemmone” getaa Yaafe Macaafooch kooreetone; ebich asho koniyoona sheeroon quyoona Yeeri aafooch cadiqaachemmo bi tuno arichetone.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.