Roomi 1:14 - Kafa Linguistics Project

¹⁴ Woraafa, getteetinaꞌonaa hoxeetinaꞌonoyich, ariyechinaꞌonaa tuusheenaꞌonoyich mishiraachee qaaroon ta gettemmoyich, Kiristoosichi hiishoo ta toommooch beetone.

Roomi 1:14 ပူးပေါင်းရင်းမြစ်များ

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 8:5

Hini tuusheenaꞌote, acon doyibote; mullaalleenaꞌote, mullechon tunebote.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 28:2

Arooch beeti asheenaꞌo oogichii noon gaacheheete; arooba amiyo dihaa aqqoo noon yechitoyich, qaaqqoon shookkiꞌi no bullin iibbiiheete.

Mishiraachechinaꞌo 28:4

Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:22

“Ariyecho noone” iibee mullaalleenaꞌo tuneheete.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Roomi 13:8

Biinoommi bi manoon shunniibeeto sheeroon ceechitone; ebich ittoshinaa ittoshina shunoyee beshetaa konichi hiisholla ittoshi toommooch beeyaaye.

Roomi 16:19

Mishiraachee qaaroyich ittoshi deꞌa geto asho bullich waayeetone. Ebich ittoshi mooyo taan emirikkitone; gaawe mooyon shuunoyich ariyechon, gonde mooyon shuunoyich tuushoon ittoshi tunemmoyich shunnoye.

Roomi 8:12

Illa ta maneenaꞌote! Hiishoo no toommooch beetone; hini hiishoo meechi daaggoona no beeyemmoyich toonoone.

1 Qorontoosi 14:11

Illa ikke asho yibbaatee bi beeti noonoon ta ariyoo qayigaata, are yibbaateebeeti uroyich dallaawoo tunemmo taane; are yibbaateebeeti uro taach dallaawoo tunemmone.

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

1 Qorontoosi 2:13

Wotta hini wojjeechonoo gettaabeeto noone. Yaafe Ayaano boonoshi toommooch beeti asheenaꞌoyich, Yeerichi Ayaanee mooyon xiishiibee no gettaabeeto, hini showeexi ashi shalligoo arichiibeeti yibbaatoona tuneyaanoon, Yaafe Ayaano nooch bi arichiibeeti yibbaatoonane.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

2 Qorontoosi 10:12

Boonoshin wochii galleteebeeti ikkikkeenaꞌona tookkaa no qelloon haddoyich woyee no qelloon goomiyoyich aafoon kuppheyaachone; tunebaani areenaꞌo boonoshi qelloon wochii boonoshina tachoona, boonoshi qelloonoo wochii boonoshina goomiyoona shalligechinaꞌo tooneenaꞌone.

2 Qorontoosi 11:19

Shalligecho ittoshi tunetoyich, tuusheenaꞌochi tuushoon emiroona cikkii qajjiibeeto ittoshine.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.